Foto: Halyq Uni
Shyǵys Qazaqstan oblysynda Opytnoe pole, Stepnoe, Ýshanov jáne Praporshikov aýyldarynda mektep oqýshylary qashyqtan oqýǵa kóshti. Buǵan aýanyń lastanýy sebep bolǵan, dep habarlaidy ULT.KZ Azattyq radiosyna silteme jasap.
Aýyldar oblys ortalyǵy Óskemen qalasyna jaqyn shoǵyrlanǵan. Aýyr metallýrgiia keshenderi bar qalany 20 qarashadan beri tútin basqan. Aýadaǵy ziiandy zattar mólsheri qalypty normadan asqanyn jergilikti sheneýnikter moiyndaidy.
“Syrtqa shyqqanda ózim de jótelemin, jurtqa ziiandy zattar mólsheri normadan aspady dep aita almaimyn” dedi 26 qarasha kúngi ákimdik jinalysy kezinde oblys basshysy Ermek Kósherbaev.
“Qazgidromet” aýanyń qatty lastanýyn jeldiń joqtyǵymen túsindiredi. Mundai shaqta ónerkásip nysandary, jylý elektr ortalyǵy jáne jeke úilerdiń murjasynan shyqqan tútin seiilmeidi.
Oqýshylar 27 qarashadan beri qashyqtan oqýǵa kóshken. Qala halqy aýanyń sapasyna jii shaǵymdanady. Óskemen eldegi aýasy eń las qalalardyń biri. Munda Úlbi zaýyty, titan-magnii kombinaty, Óskemen metallýrgiia kesheni jumys isteidi.
