فوتو: Halyq Uni
شىعىس قازاقستان وبلىسىندا وپىتنوە پولە, ستەپنوە, ۋشانوۆ جەنە پراپورششيكوۆ اۋىلدارىندا مەكتەپ وقۋشىلارى قاشىقتان وقۋعا كٶشتٸ. بۇعان اۋانىڭ لاستانۋى سەبەپ بولعان, دەپ حابارلايدى ULT.KZ ازاتتىق راديوسىنا سٸلتەمە جاساپ.
اۋىلدار وبلىس ورتالىعى ٶسكەمەن قالاسىنا جاقىن شوعىرلانعان. اۋىر مەتاللۋرگييا كەشەندەرٸ بار قالانى 20 قاراشادان بەرٸ تٷتٸن باسقان. اۋاداعى زيياندى زاتتار مٶلشەرٸ قالىپتى نورمادان اسقانىن جەرگٸلٸكتٸ شەنەۋنٸكتەر مويىندايدى.
“سىرتقا شىققاندا ٶزٸم دە جٶتەلەمٸن, جۇرتقا زيياندى زاتتار مٶلشەرٸ نورمادان اسپادى دەپ ايتا المايمىن” دەدٸ 26 قاراشا كٷنگٸ ەكٸمدٸك جينالىسى كەزٸندە وبلىس باسشىسى ەرمەك كٶشەرباەۆ.
“قازگيدرومەت” اۋانىڭ قاتتى لاستانۋىن جەلدٸڭ جوقتىعىمەن تٷسٸندٸرەدٸ. مۇنداي شاقتا ٶنەركەسٸپ نىساندارى, جىلۋ ەلەكتر ورتالىعى جەنە جەكە ٷيلەردٸڭ مۇرجاسىنان شىققان تٷتٸن سەيٸلمەيدٸ.
وقۋشىلار 27 قاراشادان بەرٸ قاشىقتان وقۋعا كٶشكەن. قالا حالقى اۋانىڭ ساپاسىنا جيٸ شاعىمدانادى. ٶسكەمەن ەلدەگٸ اۋاسى ەڭ لاس قالالاردىڭ بٸرٸ. مۇندا ٷلبٸ زاۋىتى, تيتان-ماگنيي كومبيناتى, ٶسكەمەن مەتاللۋرگييا كەشەنٸ جۇمىس ٸستەيدٸ.
