Shyǵys Qazaqstan oblysynda dástúrli «Altai – túrki áleminiń altyn besigi» atty halyqaralyq ǵylymi-praktikalyq konferentsiia ótti, dep habarlaidy altaynews.kz.
Ortalyq mádeniet saraiynda ótip jatqan sharaǵa oblys ákimi Danial Ahmetov, Qazaqstan Respýblikasynyń Prezident ákimshiliginiń ishki saiasat bóliminiń meńgerýshisi Aida Balaeva, Mádeniet jáne sport ministrliginiń jaýapty hatshysy Qýatjan Ýáliev, «TÚRKSOI» halyqaralyq uiymynyń bas hatshysy Dúisen Qaseiinov, akademik Ǵarifolla Esim, túrkolog ǵalym Qarjaýbai Sartqojauly bastaǵan mártebeli meimandar men sheteldik ǵalymdar arnaiy qatysty.
Áýeli qonaqtarǵa «Altyn adam» degen taqyryppen sońǵy arheologiialyq qazbalardyń nátijeleri tanystyrylyp, Shyǵystyń kieli oryndary týraly kórme usynyldy.
Plenarlyq otyrysta Shyǵys Qazaqstan aýmaǵynda zerteý júrgizip jatqan arheologtar Zeinolla Samashev, Ábdesh Tóleýbekov jáne Karl Baipaqov úshtigi ǵylymi baiandamalar oqydy. Sondai-aq, Chehiia, Germaniia, Túrkiia jáne Frantsiia ǵalymdary túrki áleminiń Altaidan bastaý alǵan uly órkenieti jaiynda asa qundy ǵylymi málimdemeler jasady.
Konferentsiianyń negizgi bóliminen keiin qatysýshylarǵa oblystyq tarihi-ólketaný mýzeiinde «Babalar altyny» degen taqyryppen taǵy bir kórme usynyldy. Munda arheologiiany damytýdyń óńirlik baǵdarlamasy aiasynda sońǵy 3 jylda tabylǵan 19 myń jádigerdiń eń qundy degenderi kórsetildi. Konferentsiia qonaqtary Shiliktiden tabylǵan sońǵy «Altyn adamnyń» jańǵyrtylǵan kóshirmesin osy kórmede óz kózderimen kórýge múmkindik aldy.
Osy kórmeniń keńeitilgen nusqasy jýyqta Eýropa elderiniń birinde «Dala ámirshileriniń altyny» degen atpen ótýi múmkin. Meimandarǵa №46 mekteptiń bazasynda «Meniń mektebim» aktsiiasy boiynsha Nazarbaev ziiatkerlik mektebiniń úlgisinde tolyq jabdyqtalǵan fizika, himiia, biologiia jáne robot tehnikasy synyptary tanystyryldy. Konferentsiiany oblystyq drama teatrda ótetin III halyqaralyq «Aq Ertis» klassikalyq mýzyka festivali túiindedi.
.jpeg)