Óskemende qalalyq ákimdik ǵimaratynyń áinegin shaǵyp, shý shyǵarǵan adam ustaldy, dep habarlaidy QazAqparat.
Óskemende búgin ákimdik ǵimaratyna kelgen er adamnyń baibalam salǵany týraly video áleýmettik jelilerde tarap ketken.
Ákimdik qyzmetkerleriniń málimetinshe, bul – múmkindigi shekteýli azamat. Ol memlekettik turǵyn úi qorynan jekeshelendirý quqyǵymen berilgen páterde turady.
«Ai saiyn baspana úshin tek 2065 teńge tóleidi. Jumyspen qamtý ortalyǵy oǵan tósek pen tamaq pisiretin pesh alyp bergen. Osy jyldyń tamyz aiynda óz ótinishi boiynsha 76 500 teńge jalaqyǵa qoǵamdyq jumystarǵa jiberilgen», - delingen aqparatta.
Ákimdik ǵimaratyna kelgen azamat shý shyǵaryp, ondaǵy qyzmetkerlerdi bylapyt sózdiń astyna alǵan.
ShQO Politsiia departamenti baspasóz qyzmetiniń habarlaýynsha, qazirgi ýaqytta atalǵan fakti boiynsha QR Qylmystyq kodeksiniń 378-baby 1-bóligine (Bilik ókilin qorlaý) sáikes sotqa deiingi tergeý júrgizilýde. Sondai-aq ÁQBtK-niń 434-baby 1-bóligi (Usaq buzaqylyq) boiynsha ákimshilik is qozǵalǵan.
