Oblys ortalyǵy Óskemen qalasynda 7 kópqabatty úiden turatyn jańa shaǵyn aýdan ashylmaq. «Nurly jol» baǵdarlamasy aiasynda «Samruq Qazyna» jyljymaityn múlik qory» AQ qoldaýymen boi kóteretin úilerdiń búgin irgetasy qalandy.
Jibek joly dańǵylynyń boiynsha salynatyn jańa aýdanda jalpy sany 325 páter bolady dep josparlanǵan. Alǵashqy kezekte toǵyz qabatty 3 úi boi kóteredi. Al turǵyndarǵa qolailylyq týǵyzý maqsatynda úilerdiń biriniń birinshi qabatynda 75 balaǵa arnalǵan shaǵyn ortalyq ashylady.
Sonymen qatar, qurylysshylardyń aitýy boiynsha, aýdannyń jobasyn qurý barysynda ShQO ákimi Danial Ahmetovtyń usynysy eskerilip, árbir úidiń jertólesindegi avtoturaq ishi keń bolmaq. Aýdan qurylysynyń birinshi bóligi 2018 jyly aiaqtalady.
– Salynyp jatqan úilerdiń baǵasy naryqtaǵy páter baǵasynan tómen bolady. Bul jerde tek páterler emes, kommertsiialyq mekemeler de ashylady. Alańdy tolyqtai abattandyryp, páter ielerine qolaily jaǵdai jasaý da josparǵa kirgizilgen, – dedi «Samruq-Qazyna» jyljymaityn múlik qory» AQ basshysy Baýyrjan Mamytaliev.
Mamandardyń aitýynsha, qurylys barysynda zamanaýi qurylǵylar men qurylys jabdyqtary qoldanylatyndyqtan, tek qurylys sapasyn artyp qana qoimai, elektr qýatyn 20%-ǵa deiin únemdeýge septigin tigizedi.
