وبلىس ورتالىعى ٶسكەمەن قالاسىندا 7 كٶپقاباتتى ٷيدەن تۇراتىن جاڭا شاعىن اۋدان اشىلماق. «نۇرلى جول» باعدارلاماسى اياسىندا «سامرۇق قازىنا» جىلجىمايتىن مٷلٸك قورى» اق قولداۋىمەن بوي كٶتەرەتٸن ٷيلەردٸڭ بٷگٸن ٸرگەتاسى قالاندى.
جٸبەك جولى داڭعىلىنىڭ بويىنشا سالىناتىن جاڭا اۋداندا جالپى سانى 325 پەتەر بولادى دەپ جوسپارلانعان. العاشقى كەزەكتە توعىز قاباتتى 3 ٷي بوي كٶتەرەدٸ. ال تۇرعىندارعا قولايلىلىق تۋعىزۋ ماقساتىندا ٷيلەردٸڭ بٸرٸنٸڭ بٸرٸنشٸ قاباتىندا 75 بالاعا ارنالعان شاعىن ورتالىق اشىلادى.
سونىمەن قاتار, قۇرىلىسشىلاردىڭ ايتۋى بويىنشا, اۋداننىڭ جوباسىن قۇرۋ بارىسىندا شقو ەكٸمٸ دانيال احمەتوۆتىڭ ۇسىنىسى ەسكەرٸلٸپ, ەربٸر ٷيدٸڭ جەرتٶلەسٸندەگٸ اۆتوتۇراق ٸشٸ كەڭ بولماق. اۋدان قۇرىلىسىنىڭ بٸرٸنشٸ بٶلٸگٸ 2018 جىلى اياقتالادى.
– سالىنىپ جاتقان ٷيلەردٸڭ باعاسى نارىقتاعى پەتەر باعاسىنان تٶمەن بولادى. بۇل جەردە تەك پەتەرلەر ەمەس, كوممەرتسييالىق مەكەمەلەر دە اشىلادى. الاڭدى تولىقتاي اباتتاندىرىپ, پەتەر يەلەرٸنە قولايلى جاعداي جاساۋ دا جوسپارعا كٸرگٸزٸلگەن, – دەدٸ «سامرۇق-قازىنا» جىلجىمايتىن مٷلٸك قورى» اق باسشىسى باۋىرجان مامىتاليەۆ.
مامانداردىڭ ايتۋىنشا, قۇرىلىس بارىسىندا زاماناۋي قۇرىلعىلار مەن قۇرىلىس جابدىقتارى قولدانىلاتىندىقتان, تەك قۇرىلىس ساپاسىن ارتىپ قانا قويماي, ەلەكتر قۋاتىن 20%-عا دەيٸن ٷنەمدەۋگە سەپتٸگٸن تيگٸزەدٸ.
