Óskemen qalasynda 14 jastaǵy qyz joǵalyp ketti, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, Jánerke Qanapiianova osydan eki kún buryn joǵalyp ketken. Úiden dúkenge shyǵyp ketken jasóspirim sol kúii qaityp oralmady.
«8 tamyzda politsiiaǵa qońyraý shalǵan áiel adam 14 jastaǵy qyzynyń iz-tússiz joǵalǵandyǵyn habarlady. Ál-Farabi dańǵyly 26/1 mekenjaiynan syrtqa shyǵyp ketken jasóspirimniń qaida ekendigi áli kúnge deiin belgisiz. Qazirgi ýaqytta politsiia qyzmetkerleri jedel-izdestirý sharalaryn júrgizip jatyr», - dep habarlady vedomstvo ókilderi.
Jánerkeniń ústinde aq jeide, qara shalbar jáne qyzyl krossovka bolǵan. Ony kórgen nemese qaida ekendigi jaily qandai da bir málimeti bar azamattar 8(777)169-64-66 nómirine nemese «102» jedel arnasyna qońyraý shalýlaryna bolady.
