Óskemen qalasynyń turǵyny sýǵa batyp bara jatqan 14 jasar qyzdy qutqaryp qaldy, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, Viktor Zemlianýhin týystarymen birge «Ermak» baý-baqsha qaýymdastyǵy mańynda ornalasqan sý qoimasyna demalý úshin kelgen.
Kómek surap aiqailaǵan daýysty estigen jigit dereý sý jaǵasyna qarai júgirdi.
Jaǵada birneshe adam júze almaǵandyqtan ne isterin bilmei abdyrap tur eken. Olar Viktorǵa 14 jasar qyzdyń sýǵa batyp bara jatqanyn jetkizedi.
«Jyldam áreket etý kerek boldy. Oilanbastan sýǵa súńgidim. Alaida sý túbi lai bolǵandyqtan túk kóre almadym. Sodan keiin aýa jutyp alyp ekinshi ret súńgigen kezde qyzdy kórip qaldym da, ony jaǵaǵa súirei bastadym. Sýdan shyǵarǵan soń jasandy tynys aldyryp, júrekke massaj jasadym. Anam Ella Zemlianýhina meni almastyryp, jedel járdem kelgenshe kezek-kezek kómek kórsettik», - deidi beibit kúnniń batyry.
Osylaisha, qyz aman qaldy. Onyń ómirine eshqandai qaýip tónip joq.
