ٶسكەمەن قالاسىنىڭ تۇرعىنى سۋعا باتىپ بارا جاتقان 14 جاسار قىزدى قۇتقارىپ قالدى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ۆيكتور زەمليانۋحين تۋىستارىمەن بٸرگە «ەرماك» باۋ-باقشا قاۋىمداستىعى ماڭىندا ورنالاسقان سۋ قويماسىنا دەمالۋ ٷشٸن كەلگەن.
كٶمەك سۇراپ ايقايلاعان داۋىستى ەستٸگەن جٸگٸت دەرەۋ سۋ جاعاسىنا قاراي جٷگٸردٸ.
جاعادا بٸرنەشە ادام جٷزە الماعاندىقتان نە ٸستەرٸن بٸلمەي ابدىراپ تۇر ەكەن. ولار ۆيكتورعا 14 جاسار قىزدىڭ سۋعا باتىپ بارا جاتقانىن جەتكٸزەدٸ.
«جىلدام ەرەكەت ەتۋ كەرەك بولدى. ويلانباستان سۋعا سٷڭگٸدٸم. الايدا سۋ تٷبٸ لاي بولعاندىقتان تٷك كٶرە المادىم. سودان كەيٸن اۋا جۇتىپ الىپ ەكٸنشٸ رەت سٷڭگٸگەن كەزدە قىزدى كٶرٸپ قالدىم دا, ونى جاعاعا سٷيرەي باستادىم. سۋدان شىعارعان سوڭ جاساندى تىنىس الدىرىپ, جٷرەككە ماسساج جاسادىم. انام ەللا زەمليانۋحينا مەنٸ الماستىرىپ, جەدەل جەردەم كەلگەنشە كەزەك-كەزەك كٶمەك كٶرسەتتٸك», - دەيدٸ بەيبٸت كٷننٸڭ باتىرى.
وسىلايشا, قىز امان قالدى. ونىڭ ٶمٸرٸنە ەشقانداي قاۋٸپ تٶنٸپ جوق.
