Óskemenniń jańa logotipi ázirlendi, dep habarlaidy "Ult aqparat".
Shahar ákimdiginiń málimetine súiensek, Qazaqstannyń qalalarynda eltańba men basqa da geraldikalyq simvoldardyń bolýy qoldanystaǵy zańnamada qarastyrylmaǵan.
Degenmen qarapaiym, zamanaýi jáne de kórkemdik maǵynasy bar biryńǵai simvolika týristik tartymdylyq pen jalpy qalanyń imidjin qalyptastyrýǵa septigin tigedi.
«Osyny eskere otyryp, tiisti mamandardy tartý arqyly resmi is-sharalar men qujattarda, sondai-aq, kádesyi jáne basqa da atribýtikany brendteýde qoldanylatyn logotip ázirlendi. Logotipte Altai taýlary men Úlbi ózeniniń Ertiske quiar saǵasy beinelengen» delingen aqparatta.
