Foto: airport-uk.kz
Óskemen qalasynda áýejai basshylyǵynyń qarjy jymqyrý men zańdastyrý shemasy áshkerelendi. Bul týraly Qarjy monitoringi agenttigi ShQO boiynsha departamenti málimdedi dep habarlaidy Ult.kz.
Bas kólik prokýratýrasynyń úilestirýimen «Óskemen áýejaiy» AQ basshylyǵyna qatysty qyzmettik ókilettikterin asyra paidalaný, asa iri kólemde senip tapsyrylǵan múlikti iemdený jáne qylmystyq jolmen alynǵan qarajatty zańdastyrý faktileri boiynsha tergeýdi aiaqtady.
Bes jyl boiy aktsionerlik qoǵamnyń burynǵy prezidenti men ózge de laýazymdy tulǵalary eńbekaqyny negizsiz kóbeitý, jalǵan syiaqylar men jalǵan sharttar jasaý arqyly júieli túrde aqsha jymqyrǵan. Jymqyrylǵan qarajat keiin kassa arqyly qolma-qol aqshaǵa ainaldyrylǵan.
Qoǵamǵa tiesili kólik quraldary býhgalterlik esepten shyǵarylyp, naryqtaǵy qunynan birneshe ese tómen baǵamen senimdi tulǵalarǵa satylǵan.
Sonymen qatar, qoǵamnyń kommertsiialyq nysandary jeńildetilgen sharttarmen jalǵa berilgeni anyqtaldy: iaǵni, jaldaý aqysy tómendetilip, naqty jalǵa berilgen aýmaq azaitylyp kórsetilgen.
Memleketke keltirilgen jalpy zalal 157 mln teńgeni qurady.
Sot sanktsiiasymen kúdiktilerdiń 126 mln teńge kólemindegi múlkine (4 páter, jer ýchaskesi jáne 2 avtokólik) tyiym salyndy.
Kúdiktiler qamaýǵa alyndy.
QR QPK-niń 201-babyna sáikes ózge aqparat jariia etilmeidi.
