فوتو: airport-uk.kz
ٶسكەمەن قالاسىندا ەۋەجاي باسشىلىعىنىڭ قارجى جىمقىرۋ مەن زاڭداستىرۋ سحەماسى ەشكەرەلەندٸ. بۇل تۋرالى قارجى مونيتورينگٸ اگەنتتٸگٸ شقو بويىنشا دەپارتامەنتٸ مەلٸمدەدٸ دەپ حابارلايدى Ult.kz.
باس كٶلٸك پروكۋراتۋراسىنىڭ ٷيلەستٸرۋٸمەن «ٶسكەمەن ەۋەجايى» اق باسشىلىعىنا قاتىستى قىزمەتتٸك ٶكٸلەتتٸكتەرٸن اسىرا پايدالانۋ, اسا ٸرٸ كٶلەمدە سەنٸپ تاپسىرىلعان مٷلٸكتٸ يەمدەنۋ جەنە قىلمىستىق جولمەن الىنعان قاراجاتتى زاڭداستىرۋ فاكتٸلەرٸ بويىنشا تەرگەۋدٸ اياقتادى.
بەس جىل بويى اكتسيونەرلٸك قوعامنىڭ بۇرىنعى پرەزيدەنتٸ مەن ٶزگە دە لاۋازىمدى تۇلعالارى ەڭبەكاقىنى نەگٸزسٸز كٶبەيتۋ, جالعان سىياقىلار مەن جالعان شارتتار جاساۋ ارقىلى جٷيەلٸ تٷردە اقشا جىمقىرعان. جىمقىرىلعان قاراجات كەيٸن كاسسا ارقىلى قولما-قول اقشاعا اينالدىرىلعان.
قوعامعا تيەسٸلٸ كٶلٸك قۇرالدارى بۋحگالتەرلٸك ەسەپتەن شىعارىلىپ, نارىقتاعى قۇنىنان بٸرنەشە ەسە تٶمەن باعامەن سەنٸمدٸ تۇلعالارعا ساتىلعان.
سونىمەن قاتار, قوعامنىڭ كوممەرتسييالىق نىساندارى جەڭٸلدەتٸلگەن شارتتارمەن جالعا بەرٸلگەنٸ انىقتالدى: ياعني, جالداۋ اقىسى تٶمەندەتٸلٸپ, ناقتى جالعا بەرٸلگەن اۋماق ازايتىلىپ كٶرسەتٸلگەن.
مەملەكەتكە كەلتٸرٸلگەن جالپى زالال 157 ملن تەڭگەنٸ قۇرادى.
سوت سانكتسيياسىمەن كٷدٸكتٸلەردٸڭ 126 ملن تەڭگە كٶلەمٸندەگٸ مٷلكٸنە (4 پەتەر, جەر ۋچاسكەسٸ جەنە 2 اۆتوكٶلٸك) تىيىم سالىندى.
كٷدٸكتٸلەر قاماۋعا الىندى.
قر قپك-نٸڭ 201-بابىنا سەيكەس ٶزگە اقپارات جارييا ەتٸلمەيدٸ.
