Jolaýshylar poiyzynda taǵy bir náreste dúniege keldi, dep habarlaidy "Ult aqparat" «Jolaýshylar tasymaly» kompaniiasyna silteme jasap.
Keshe №351 «Óskemen - Almaty» baǵyty boiynsha qatynaityn jolaýshylar poiyzynda náreste dúnie esigin ashty. Viktoriia Marochkina boiy - 46 sm, al salmaǵy - 2,7 keli bolatyn ul balany dúniege ákeldi.
«Sapar barysynda jolaýshy tolǵata bastady. Poiyz basshysy jaqyn mańda ornalasqan Jarma stansasyna jedel járdem shaqyrtty. Biraq Viktoriia Marochkina stansaǵa jetpei, jolserikter jáne poiyzda kele jatqan dárigerdiń kómegimen aman-esen bosandy. Balaǵa Matvei degen esim berilip, ol anasymen birge Jarmadaǵy perinataldy ortalyqqa jetkizildi» delingen habarlamada.
Al náresteniń ákesi Valera telefon arqyly osy qýanyshty jaǵdaiǵa atsalysqan barsha azamattarǵa sheksiz alǵysyn aitty.
