Óskemendegi Qazaqstandaǵy jalǵyz titan-magnii kombinaty álemdik ónim kóleminiń tórtten birin óndiredi. Bul týraly Shyǵys Qazaqstan oblysynyń ákimi Danial Ahmetov aitty, dep habarlaidy QazAqparat.
«Bizdegi Titan-magnii kombinaty álemniń jetekshi kombinattarymen básekelesip qana qoimaidy. Ol ónimniń 60 paiyzyn eýropalyq Airbus kontsernine jetkizedi. Búgingi tańda titan-magnii kombinaty ónimderin alý úshin álemniń aviatsiia kompaniialary ǵana emes, basqa da kóptegen kompaniialar talasyp júr», - dedi ShQO ákimi Danial Ahmetov Ortalyq kommýnikatsiialar qyzmetindegi baspasóz máslihatynda.
Óńir basshysy álemde bar bolǵany úsh berillii zaýyty men 5 tantal zaýyty jumys isteitinin, Qazaqstanda atalǵan baǵyttar boiynsha bir-bir kásiporynnan bar ekenin atap ótti.
«Bul indýstriialyq áleýeti saqtalǵan biregei múmkindikter, ol bizdiń elimizdiń indýstriiasy ekenin maqtanyshpen jariialaýǵa múmkindik beredi», - dedi Danial Ahmetov.
