Foto: © REUTERS
"Oskar" rásimindegi oqiǵadan keiin akter Ýill Smit amerikalyq kino akademiiasynan ketýdi uiǵarǵan, - dep habarlaidy Tengrinews.kz tilshisi Film.ru saityna silteme jasap.
"Men tańǵalarlyq, uiat jáne keshirilmes áreket jasadym. Men renjitkenderdiń tiziminde Kris, onyń otbasy, dostarym men jaqyndarym, saltanatqa qatysqandardyń bári jáne kórermen bar. Men akademiianyń senimin asyra paidalandym. Basqa jeńimpazdar men úmitkerlerdi toilaý jáne qurmet kórsetý múmkindiginen aiyrdym. Oǵan qatty qairamyn", - dedi Ýill Smit málimdemesinde.
Eske salaiyq, janjaldy oqiǵa "Oskar" rásiminde bolǵan edi. Akter Kris Rokty áieli Djada Pinkett-Smit týraly ázili úshin shapalaqpen urdy. Komik sahnada Pinkett-Smittiń shash úlgisi týraly aitady. Ol aýrýǵa shaldyǵyp, bir jyl buryn shashyn alyp tastaǵan. Keiin Ýill Smittiń ózi "Oskar" keshindegi minez-qulqy úshin keshirim suraǵan bolatyn.
"Kez kelgen túrdegi zorlyq-zombylyq ýly jáne joiqyn. Meniń ótken túnde rásimdegi minez-qulqym ersi jáne keshirilmeidi", - dep jazdy Smit Instagram-paraqshasynda.
