Búgin QR OSK Tóraǵasy Berik Imashev TMD Atqarý komiteti tóraǵasynyń birinshi orynbasary - Atqarýshy hatshysy Viktor Gýminskimen kezdesti, dep habarlaidy "Ult aqparat".
Ortsailaýkomnyń Tóraǵasy TMD–dan baiqaýshylar Missiiasynyń múshelerin sailaýdyń jariialanǵanynan bastap daýys berý kúnine deiingi úgit jumystarynyń negizgi kezeńderimen qysqasha tanystyrdy.
Viktor Gýminskii óz kezeginde Berik Imashevqa kezdesýdi uiymdastyrǵany úshin alǵysyn bildirip, TMD baiqaýshylar Missiiasynyń baiqaý ádisteri men printsipteri týraly habardar etti.
«Bizdiń kezdesýimizden keiin, osy kúnnen bastap TMD-dan kelgen baiqaýshylar Missiiasynyń Shtaby Qazaqstan Respýblikasyndaǵy kezekti parlamenttik sailaýyn baiqaý jónindegi óz jumysyn bastaidy», - dedi V. Gýminskii.
TMD-dan baiqaýshylar Missiiasy Qazaqstandaǵy sailaýdy, onyń ishinde Qazaqstan Respýblikasy Parlamenti Májilisiniń depýtattaryn sailaýdy baiqaý boiynsha úlken tájiribege ie ekenin atap ótken jón. TMD-dan baiqaýshylar Qazaqstanda on tórtinshi ret baiqaý júrgizedi.
