Foto: Tengrinews.kz/Turar Qazanǵapov
Jýrnalister Ortalyq sailaý komissiiasynyń múshelerinen prezident sailaýyna sheteldikter aralaspaidy degen talapty oryndaý úshin qandai sharalar qoldanylatynyn surady, - dep habarlaidy Tengrinews.kz.
"Memleket basshysynyń tapsyrmasyna sáikes, qaralyp jatqan zań jobalarynda bul norma (aralaspaý týraly. – Eskertý) jumys tobynyń múshelerimen de zerdelenip jatyr. Qoldanystaǵy "sailaý týraly" zańda úgit-nasihat kezeńinde aralaspaý týraly tezis bar ekenin este ustaǵan jón. Iaǵni, "sheteldikterge, azamattyǵy joq adamdarǵa, sheteldik zańdy tulǵalar men Halyqaralyq uiymdarǵa kandidattardy, partiialyq tizimin usynǵan saiasi partiialardy usynýǵa jáne sailaýǵa, belgili bir nátijege qol jetkizýge kedergi keltiretin nemese yqpal etetin qyzmetti júzege asyrýǵa tyiym salynady" delingen. Bul qoldanysta bar norma", - dep túsindirdi OSK múshesi Shavkat Ótemisov.
Ol ony odan ári damytý máselesin qazir depýtattar qarastyryp jatqanyn aitty.
