Búgin Ortalyq sailaý komissiiasynyń otyrysynda árbir sailaý ýchaskesi boiynsha tiisti ákim qol qoiǵan sailaýshylar tizimderin akt boiynsha sailaý komissiialaryna berý týraly qaýly qabyldandy, dep habarlaidy Baq.kz agenttigi.
Osy máselege qatysty respýblikalyq mańyzy bar qalalar men oblystardyń aýmaqtyq sailaý komissiialary beinekonferentsiia arqyly bailanysyp, sol óńirde nemese qalada qansha sailaý ýchaskesi men sailaýshy baryn aitty.
Árbir sailaý ýchaskesi boiynsha sailaýshylar tizimderin sailaý komissiialaryna tiisti ákimdikter daýys berý bastalardan jiyrma kún buryn, iaǵni 20 mamyr kúni berdi. Osy tizimderge sai sailaýshylardyń jalpy sany 11 975 995 qurady.
Sailaýshylar on bes kún ishinde turǵylyqty jeri boiynsha qurylǵan sailaý ýchaskelerinde sailaýshylardyń tizimderimen tanysa alady. Osy ýaqyttan bastap azamattarǵa sailaýshylarydń tizimderindegi ózderi týraly, olardyń tirkelgen jeri boiynsha derekterdi tekserý, ózderiniń derekteriniń anyq bolmaýyna jol berilgen, tizimge engizilmegen, durys engizilmegen nemese shyǵarylǵandyǵyna shaǵymdaný múmkindigi qamtamasyz etiledi.
