بٷگٸن ورتالىق سايلاۋ كوميسسيياسىنىڭ وتىرىسىندا ەربٸر سايلاۋ ۋچاسكەسٸ بويىنشا تيٸستٸ ەكٸم قول قويعان سايلاۋشىلار تٸزٸمدەرٸن اكت بويىنشا سايلاۋ كوميسسييالارىنا بەرۋ تۋرالى قاۋلى قابىلداندى, دەپ حابارلايدى Baq.kz اگەنتتٸگٸ.
وسى مەسەلەگە قاتىستى رەسپۋبليكالىق ماڭىزى بار قالالار مەن وبلىستاردىڭ اۋماقتىق سايلاۋ كوميسسييالارى بەينەكونفەرەنتسييا ارقىلى بايلانىسىپ, سول ٶڭٸردە نەمەسە قالادا قانشا سايلاۋ ۋچاسكەسٸ مەن سايلاۋشى بارىن ايتتى.
ەربٸر سايلاۋ ۋچاسكەسٸ بويىنشا سايلاۋشىلار تٸزٸمدەرٸن سايلاۋ كوميسسييالارىنا تيٸستٸ ەكٸمدٸكتەر داۋىس بەرۋ باستالاردان جيىرما كٷن بۇرىن, ياعني 20 مامىر كٷنٸ بەردٸ. وسى تٸزٸمدەرگە ساي سايلاۋشىلاردىڭ جالپى سانى 11 975 995 قۇرادى.
سايلاۋشىلار ون بەس كٷن ٸشٸندە تۇرعىلىقتى جەرٸ بويىنشا قۇرىلعان سايلاۋ ۋچاسكەلەرٸندە سايلاۋشىلاردىڭ تٸزٸمدەرٸمەن تانىسا الادى. وسى ۋاقىتتان باستاپ ازاماتتارعا سايلاۋشىلارىدڭ تٸزٸمدەرٸندەگٸ ٶزدەرٸ تۋرالى, ولاردىڭ تٸركەلگەن جەرٸ بويىنشا دەرەكتەردٸ تەكسەرۋ, ٶزدەرٸنٸڭ دەرەكتەرٸنٸڭ انىق بولماۋىنا جول بەرٸلگەن, تٸزٸمگە ەنگٸزٸلمەگەن, دۇرىس ەنگٸزٸلمەگەن نەمەسە شىعارىلعاندىعىنا شاعىمدانۋ مٷمكٸندٸگٸ قامتاماسىز ەتٸلەدٸ.
