12 qazanda Nurlan Ábdirovtiń tóraǵalyǵymen Ortalyq sailaý komissiiasynyń otyrysy ótti. Oǵan memlekettik organdardyń, buqaralyq aqparat quraldarynyń ókilderi, beinekonferentsbailanys rejiminde oblystardyń, respýblikalyq mańyzy bar qalalardyń jáne astananyń aýmaqtyq sailaý komissiialarynyń músheleri qatysty, dep habarlaidy OSK baspasóz qyzmeti.
Otyrysta Qazaqstan Respýblikasynyń Prezidenttigine kandidat Nurjan Baýyrjanuly Áltaevtyń sáikestigin anyqtaý máselesi qaraldy.
"Kún tártibindegi másele boiynsha Ortsailaýkom múshesi Shavkat Ótemisov baiandama jasady. Ol Qazaqstan Respýblikasy Prezidenttigine kandidat Nurjan Baýyrjanuly Áltaevqa qatysty sailaý týraly Konstitýtsiialyq zańnyń 59-babynyń talaptaryna sáikes QR OSK ýákiletti memlekettik organdarǵa tiisti suraýlar salýlar jiberilgenin habarlady. Quzyretti memlekettik organdardan kelgen málimetterge sai azamat Nurjan Baýyrjanuly Áltaevqa qatysty Qazaqstan Respýblikasy Prezidenttigine kandidat retinde tirkelýge kedergiler joq ekeni anyqtaldy.
Máselen, QR Bas prokýratýrasynyń quqyqtyq statistika jáne arnaiy esepke alý jónindegi komitetiniń málimetine sai Nurjan Baýyrjanuly Áltaev Qazaqstan Respýblikasynyń Prezidenttigine kandidattarǵa qoiylatyn Konstitýtsiia men «QR sailaý týraly» KZ talaptaryna sáikes keledi" - delingen habarlamada.
Usynylǵan málimetterge sai:
Ishki ister ministrligi Nurjan Baýyrjanuly Áltaev týmysynan Qazaqstan Respýblikasynyń azamaty bolyp tabylady, Qazaqstanda sońǵy 44 jyl boiy turady;
Qazaqstan Respýblikasynyń memlekettik qyzmet isteri agenttigi memlekettik qyzmettegi jáne sailanbaly memlekettik laýazymdardaǵy jumys tájiribesi – 5 jyl 2 ai;
Ádilet ministrligi usynǵan málimetterge sai Qazaqstan Respýblikasynyń Prezidenttigine kandidatty usynǵan «Muqalmas» respýblikalyq qoǵamdyq birlestiginiń Qazaqstan Respýblikasynyń Ádilet ministrliginde tirkelgeni týraly qujaty bar.
Lingvistikalyq komissiianyń 2022 jylǵy 11 qazandaǵy qorytyndysy negizinde memlekettik tildi erkin meńgergen. Joǵary bilimi bar (diplomnyń túpnusqasymen salystyryp tekserý júrgizildi).
"Sonymen qatar 11 qazanda Qazaqstan Respýblikasynyń Ortalyq sailaý komissiiasyna Astana qalasy Baiqońyr aýdany sotynyń «Muqalmas» RQB jalpy jinalysynyń Qazaqstan Respýblikasynyń Prezidenttigine kandidat usyný týraly 2022 jylǵy 6 qazandaǵy № 19 hattamasynyń qoldanylýyn toqtata turý týraly uiǵarymyn dereý oryndaý talaby kelip tústi.
Sottyń shyǵarǵan sheshimi negizinde, sondai-aq Qazaqstan Respýblikasy Konstitýtsiiasynyń 76-babynyń 3-tarmaǵyna sáikes kandidat Áltaev Nurjan Baýyrjanulynyń Ortalyq sailaý komissiiasymen sáikestigin belgileý toqtatyldy" - delingen OSK-nyń resmi aqparatynda.
