QR Parlamenti Májilisiniń jalpy otyrysynda QR Ortalyq sailaý komissiiasynyń múshesi Záýresh Baimoldinanyń ókilettigin merziminen buryn toqtatý sheshimi maquldandy, dep habarlaidy "Ult aqparat".
«Ortalyq sailaý komissiiasynyń múshesi Záýresh Baimoldinanyń óz erkimen ókilettigin merziminen buryn toqtatý týraly ótinishi Parlament Májilisine kelip tústi. Záýresh Hamitqyzy QR Parlament Májilisiniń 2017 jylǵy 20 jeltoqsandaǵy qaýlysymen OSK múshesi laýazymyna taǵaiyndalǵan bolatyn», - dedi Zańnama jáne sot-quqyqtyq reforma komitetiniń tóraǵasy Nurlan Ábdirov.
Sonymen qatar, Májilis tóraǵasy Nurlan Nyǵmatýlin ókilettigi toqtatylyp jatqan Záýresh Baimoldinanyń kóp jylǵy eńbegi úshin alǵysyn bildirdi.
«Záýresh Hamitqyzy - myqty maman, bilikti zańger. Kóp jyldar boiy memlekettik qyzmette jaýapty laýazymdardy úlken abyroimen atqardy. Aldaǵy ýaqytta da sizge zor tabystar tileimiz. Bizdiń depýtattyq korpýs arnaiy daiyndaǵan «Alǵys hatymyzdy» tapsyrýǵa ruqsat etińiz», - dedi N. Nyǵmatýlin.
