Ortalyq sailaý komissiiasy Meiram Qajykendi prezidenttikke kandidat retinde tirkedi, - dep habarlaidy "Ult aqparat" OSK baspasóz qyzmetine silteme jasap.
Búgin Nurlan Ábdirovtiń tóraǵalyǵymen Meiram Zekeshuly Kajykendi Qazaqstan Respýblikasynyń Prezidenttigine kandidat retinde tirkeý máselesi boiynsha Ortalyq sailaý komissiiasynyń otyrysy ótti.
Kún tártibindegi másele boiynsha Ortsailaýkom múshesi Shavqat Ótemisov baiandama jasady. Ol 2022 jyldyń 4 qazanynda Ortalyq sailaý komissiiasyna «Amanat» Qazaqstannyń kásipodaqtar yntymaqtastyǵy» respýblikalyq kásipodaqtar birlestigi M.Z. Qajykendi Qazaqstan Respýblikasynyń Prezidenttigine kandidat etip usyný týraly qujattardy usynǵanyn habarlady. Ortalyq sailaý komissiiasyna kandidatty tirkeý úshin mynadai qujattar usynyldy:
- Prezidenttikke kandidat M.Z.Qajykenniń jáne onyń zaiybynyń aktivter men mindettemeler jóninde deklaratsiia tapsyrǵany týraly memlekettik kirister organynyń anyqtamasy;
- Prezidenttikke kandidat M.Z. Qajykenniń ony tirkeýge kedergi keltiretin aýrýlardyń joqtyǵy týraly meditsinalyq qorytyndysy;
- oblystardyń, respýblikalyq mańyzy bar qalalardyń jáne Respýblika astanasynyń aýmaqtyq sailaý komissiialarynyń Prezidenttikke kandidat M.Z. Qajykendi qoldap jinalǵan azamattardyń qoldaryn tekserý nátijeleri týraly hattamalary.
"Osy hattamalarǵa sáikes Prezidenttikke kandidat Meiram Qajykenniń qoldaýyna Qazaqstannyń 14 óńirindegi 122 184 azamattyń qoly jinaldy. Tekserý nátijesinde 120 055 qoldyń durystyǵy anyqtaldy, iaǵni qajetti sany, keminde 1% nemese 118 273 qamtamasyz etildi.
M.Z. Qajykendi Prezidenttikke kandidat retinde tirkeýge qajetti barlyq qujat Ortalyq sailaý komissiiasyna usynyldy jáne olarǵa qoiylatyn talaptarǵa tolyq sáikes keledi.
QR OSK qaýlysymen Meiram Zekeshuly Kajyken 2022 jylǵy 20 qarashaǵa taǵaiyndalǵan Qazaqstan Respýblikasynyń Prezidentiniń kezekten tys sailaýynda Qazaqstan Respýblikasynyń Prezidenttigine kandidat bolyp tirkeldi, oǵan tiisti kýálik berildi" - delingen habarlamada.
