Ortalyq sailaý komissiiasy kezekten tys prezident sailaýyna 67 halyqaralyq baqylaýshyny tirkedi, - dep habarlady 13 mamyrda OSK ókili Záýresh Baimoldina.
Onyń aitýynsha, Eýropadaǵy qaýipsizdik pen yntymaqtastyq uiymynyń (EQYU) Demokratiialyq institýttar men adam quqyqtary biýrosynyń missiiasy tarabynan 22 baqylaýshyny tirkeý týraly ótinish túsken. Olardyń bári akkreditatsiiadan ótken.
OSK-nyń habarlaýynsha, shetel jáne halyqaralyq uiym baqylaýshylaryn akkreditatsiiadan ótkizý 3 maýsym Nur-Sultan ýaqytymen keshki saǵat 18.00-ge deiin jalǵasady.
Eýropadaǵy qaýipsizdik pen yntymaqtastyq uiymynyń (EQYU) Demokratiialyq institýttar men adam quqyqtary biýrosynyń missiiasy 8 mamyrda Qazaqstandaǵy kezekten tys prezident sailaýynyń ótýin baqylaýdy bastaǵan.
Aita keteiik, Qazaqstanda kezekten tys prezident sailaýy 9 maýsymda ótedi. Ótken aptada Ortalyq sailaý komissiiasy jeti adamdy prezidenttikke kandidat retinde tirkegen:
- Sádi-Bek Túgel - "Uly dala qyrandary" respýblikalyq qozǵalysy;
- qazirgi prezident Qasym-Jomart Toqaev - "Nur Otan" partiiasy;
- Amangeldi Taspihov - Qazaqstan kásipodaqtar federatsiiasy;
- Daniia Espaeva - "Aq jol" partiiasy,
- Tóleýtai Rahymbekov - "Aýyl" partiiasy;
- Jambyl Ahmetbekov - "Qazaqstan komýnistik halyq partiiasy";
- Ámirjan Qosanov - "Ult taǵdyry" qozǵalysy.
Mamyrdyń 11-i kúni bastalǵan elde sailaý aldyndaǵy úgit-nasihat kezeńi bastaldy. Ol maýsymnyń 8-ine deiin sozylmaq.
