Prezidenti sailaýynda 11,8 millionnan asa qazaqstandyq daýys bere alady. Bul týraly Ortalyq sailaý komissiiasy habarlady, - dep jazady Tengrinews.kz agenttigi.
Ortalyq sailaý komissiiasy tóraǵasynyń orynbasary Konstantin Petrovtyń aitýynsha, komissiia 2022 jylǵy 1 qańtar men 1 shildedegi jaǵdai boiynsha jergilikti atqarýshy organdar usynǵan derekter negizinde sailaýshylardyń biryńǵai elektron tizimin engizedi.
Biyl 1 shildede sailaýshylar reestrine belsendi sailaý quqyǵy bar 11 827 277 azamat engizilgen. Olar tek turaqty tirkelgen jeri boiynsha engizilgeni aityldy.
Sailaýshylardyń eń kóp sany Túrkistan oblysynda tirkelgen - 1 165 869 adam. Odan keiin 1 150 460 azamaty bar Almaty qalasy. Kóshbasshylar úshtigin 944 550 sailaýshysy bar Almaty oblysy qorytyndylap tur. Qaraǵandy oblysynda 745 762 azamat, elordada 731 270 sailaýshy tirkelgen.
"Eger azamat óziniń turǵylyqty jerin ózgertpese jáne onyń naqty turatyn jeri ornalasqan jerine sáikes kelmese, onda onyń sailaýshylar tizimine engizilgenin tekserýdi qospaǵanda, basqa eshqandai áreket jasaýdyń qajeti joq. Jergilikti atqarýshy organdar jeke tulǵalar týraly Memlekettik derekter qorynyń derekteri boiynsha ony avtomatty túrde qosady", - dedi Konstantin Petrov.
