Qazaqstannyń Ortalyq sailaý komissiiasy Daniia Espaevany prezidenttikke kandidat retinde tirkedi, dep habarlady "Ult aqparat" OSK baspasóz qyzmetine silteme jasap.
Senbi kúni Ortalyq sailaý komissiiasynda Daniia Mádiqyzy Espaevany Qazaqstan Respýblikasynyń prezidenttigine kandidat retinde tirkeý týraly qaýlynyń jobasy qaraldy.
Esterińizge sala keteiik, Daniia Espaeva "Aq jol" partiiasynan prezidenttikke kandidat retinde usynyldy, onyń qujattary OSK-ge 25 sáýirde tapsyryldy. Keiinnen ol memlekettik tilden emtihandy sátti tapsyrdy.
Daniia Espaevany qoldaý maqsatynda Qazaqstannyń 17 óńirinen 144 098 adamnyń qoly jinaldy, onyń 139 541-i esepke alyndy.
OSK talabyna sáikes, kandidatty qoldaýǵa kem degende 118 140 adamnyń qolyn jinaý kerek. Osylaisha, OSK otyrysynyń qorytyndysy boiynsha Espaevany prezidenttikke kandidat retinde tirkeý týraly qaýly qabyldady.
