Qazaqstan ortalyq sailaý komissiiasy 6 mamyrda "Ult taǵdyry" qozǵalysynyń úmitkeri Ámirjan Qosanovty prezidenttikke kandidat retinde tirkedi.
Búgin Qazaqstan Respýblikasy Ortalyq sailaý komissiiasynyń otyrysy ótti, oǵan birqatar saiasi partiialar men memlekettik organdardyń ókilderi qatysty.
Qaýly jobasy týraly Qazaqstan Respýblikasy Ortalyq sailaý komissiiasynyń múshesi Aqylbek Jámeluly Ihdanov baiandama jasady.
2019 jylǵy 27 sáýirde «Ult taǵdyry» birlesken ulttyq-patriottyq qozǵalysy» qoǵamdyq birlestigi Ortalyq sailaý komissiiasyna Qazaqstan Respýblikasynyń Prezidenttigine kandidat retinde Ámirjan Saǵidrahmanuly Qosanovtyń qujattaryn usyndy. Atap aitqanda:
- «Ult taǵdyry» birlesken ulttyq-patriottyq qozǵalysy» qoǵamdyq birlestigin Ádilet ministrliginde tirkeý týraly qujattyń kóshirmesi qosa tirkelgen, osy qoǵamdyq birlestiktiń joǵarǵy organy otyrysynyń Ámirjan Saǵidrahmanuly Qosanovty Qazaqstan Respýblikasynyń Prezidenttigine kandidat retinde usyný týraly hattamasynan úzindi;
- Ámirjan Saǵidrahmanuly Qosanovtyń Prezidenttikke kandidat bolyp daýysqa túsýge kelisim berý jónindegi ótinishi;
- ómirbaiandyq derekter;
- sailaý jarnasyn engizgenin kýálandyratyn qujat.
Osy qujattardyń, sondai-aq kandidattyń memlekettik tildi erkin meńgergendigin anyqtaý negizinde Ortalyq sailaý komissiiasynyń 2019 jylǵy 30 sáýirdegi № 22/255 qaýlysymen Prezidenttikke kandidat Ámirjan Saǵidrahmanuly Qosanovtyń Konstitýtsiia men «Qazaqstan Respýblikasyndaǵy sailaý týraly» Konstitýtsiialyq zańnyń talaptaryna sáikestigi anyqtaldy jáne azamattardyń qoldaryn jinaý úshin qol qoiý paraqtary berildi.
Ortalyq sailaý komissiiasyna kandidatty tirkeý úshin mynadai qujattar:
-Prezidenttikke kandidat Ámirjan Saǵidrahmanuly Qosanovtyń kiristeri men múlki týraly deklaratsiia tapsyrǵany týraly memlekettik kirister organynyń anyqtamasy;
-Prezidenttikke kandidat Ámirjan Saǵidrahmanuly Qosanovta ony tirkeýge kedergi keltiretin aýrýlardyń joqtyǵy týraly meditsinalyq qorytyndy;
- aýmaqtyq sailaý komissiialarynyń Prezidenttikke kandidat Ámirjan Saǵidrahmanuly Qosanovty qoldaityn azamattardyń qoldaryn tekserý nátijeleri týraly hattamalary usynyldy.
Osy hattamalarǵa sáikes Prezidenttikke kandidat Ámirjan Saǵidrahmanuly Qosanovty qoldap Qazaqstannyń 14 óńirinen ony Prezidenttikke kandidat retinde qoldaityn 131 189 azamattyń qolyn jinaǵan, olardyń ishinde 129 582 qol ras dep tanyldy.
Bul rette Ortalyq sailaý komissiiasynyń 2019 jylǵy 15 sáýirdegi №13/237 qaýlysymen belgilengen Qazaqstan Respýblikasynyń Prezidenttigine kandidatty qoldaityn ras qoldardyń qajetti sany keminde 118 140 qoldy quraidy.
Ámirjan Saǵidrahmanuly Qosanovty Prezidenttikke kandidat retinde tirkeýge qajetti barlyq qujattar Ortalyq sailaý komissiiasyna usynyldy jáne olarǵa qoiylatyn talaptarǵa tolyq sáikes keledi.
Joǵaryda baiandalǵannyń negizinde «2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Ámirjan Saǵidrahmanuly Qosanovty Qazaqstan Respýblikasy Prezidenttigine kandidat retinde tirkeý týraly» qaýly qabyldandy.
Qaýlymen tómendegiler belgilendi:
- 2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýynda Ámirjan Saǵidrahmanuly Qosanov Qazaqstan Respýblikasy Prezidenttigine kandidat retinde tirkelsin;
- Prezidenttikke kandidat Ámirjan Saǵidrahmanuly Qosanovqa tiisti kýálik berilsin;
-Prezidenttikke kandidat Ámirjan Saǵidrahmanuly Qosanovtyń tirkelgeni týraly málimetter arnaýly ýaqytsha shot ashý úshin «Qazaqstan Halyq jinaq banki» aktsionerlik qoǵamyna berilsin;
-buqaralyq aqparat quraldarynda Qazaqstan Respýblikasynyń Prezidenttigine kandidat Ámirjan Saǵidrahmanuly Qosanovtyń tirkelgeni týraly habar jariialansyn.
