AQSh-ta biraz ýaqyt turyp, ondaǵy keibir diaspora ókilderiniń ondaǵan jyldan beri aǵylshyn tilin úirenbei-aq ómir súrip jatqanyn kórgen áleýmettik jeli qoldanýshysy elimizdegi kompaniialardyń qazaq tiline qatysty kózqarasyn synady, dep habarlaidy Baq.kz aqparat agenttigi.
AQSh-ta biraz ýaqyt turyp, ondaǵy keibir diaspora ókilderiniń ondaǵan jyldan beri aǵylshyn tilin úirenbei-aq ómir súrip jatqanyn kórgen qazaqstandyq elimizde qazaq tiliniń qoldanys aiasyn keńeitý úshin ne qajettigi týraly pikir aitty.
Facebook qoldanýshysy Erqanat Abeni Niý-Iorktegi Brýklin aýdanynda ózi kýá bolǵan jaǵdai týraly post jazdy.
Aitýynsha, ol sondaǵy bir dúkenge kirip, satýshynyń aǵylshyn tilinde sóilei almaitynyn kórgen, sosyn onymen oryssha tildesken. Osylaisha, satýshynyń otyz jyldan beri AQSh-ta turyp kele jatsa da aǵylshyn tilin úirenbegenin bilgen.
«Ol bizge ne úshin kerek? Ainalymyzda barlyǵy ózimizdikiler», – dep jaýap bergen satýshy. Post avtory mundai pikirdegi azamattardyń kóp ekenin baiqaǵan.
«Olar munda ózderiniń sýbmádenietin qurǵan. Ol túsinikti de. AQSh-ta memlekettik til degen uǵym joq. Ol jaqta júrgizýshi kýáligin alý úshin orys tilinde emtihan tapsyrýǵa bolady nemese basqa da qyzmet túrlerin orys tilinde ala alasyń. Biraq 30 jyl ishinde (aǵylshyn tilindegi – red.) qarapaiym tirkesterdi úirenip alýǵa bolady ǵoi», - deidi Erqanat Abeni.
Osy oraida ol elimizde qazaq tili damýy úshin ne jetispeitini týraly pikir bildiredi.
«Bul jaǵdai bizde "qazaq tili birtindep damidy" degen áńgimelerdiń bos sóz ekenin bildiredi. Aldymen orta qalyptassyn, túsinikti metodika jasańdar, tegin til kýrstaryn ashyńdar, sodan keiin ǵana bizden tildi úirenýdi talap etińder deidi olar. Alaida AQSh-ta ábden jetilgen metodika, tolyp jatqan tegin aǵylshyn tili mektepteri, orta, telearnalar t.b. bar. Biraq qajettilik bolmasa, eshkim tildi úirenbeidi», - deidi Erqanat Abeni.
Onyń aitýynsha, munda áńgime orystildi azamattardyń múddesine qysym jasaý týraly emes ekenin aitady.
«Oryssha bilmeitin adamnyń jumys tabýy qiyn. Kei kompaniialar tipti aǵylshyn tilin bilmese jumysqa almaidy. Biraq ondaǵylar turǵyndarǵa qyzmet kórsetýmen ainalysatyn qyzmetkerlerdiń ózi qazaqsha bilmese, oǵan kózjumbailyqpen qaraidy. Iaǵni, búginde qazaq tili ekinshi sortty emes, úshinshi sortty til. Endeshe munda kimniń múddesine nuqsan kelip jatyr?», - degen suraq qoiady avtor.
