Reseidiń Orynbor qalasynan Qyrǵyzstan astanasy Bishkekke 164 azamat charterlik reispen jetkizildi. Bul týraly Qyrǵyzstannyń syrtqy ister ministrligi habarlady.
Qyrǵyzstanǵa qaitqan azamattar arasynda eki bala, 82 áiel (33 áieldiń aiaǵy aýyr), densaýlyǵy dimkás 80 egde er adam bar.
Qyrǵyzstannyń syrtqy ister ministrliginiń habarlaýynsha, meditsinalyq protsedýralardan ótý úshin kelgender observatsiiaǵa ornalastyrylǵan. Ushaqqa syimai qalǵan qyrǵyz azamattary eline avtobýspen jetkiziledi.
Reseidiń Orynbor oblysynda shamamen 500 qyrǵyz azamaty Reseidiń tótenshe jaǵdai ministrligi uiymdastyrǵan Orynbor - Samara trassasy boiynda palatkaly qalashyqta turǵan.
7 mamyrda 541 qyrǵyz azamaty Orynbor oblysynyń Sol-Iletsk qalasynan kelgen. Olar uzaq ýaqyt Resei-Qazaqstan shekarasynan óte almai turyp qalǵan. Olardyń arasynan 104 adamnan koronavirýs tabylǵan.
