رەسەيدٸڭ ورىنبور قالاسىنان قىرعىزستان استاناسى بٸشكەككە 164 ازامات چارتەرلٸك رەيسپەن جەتكٸزٸلدٸ. بۇل تۋرالى قىرعىزستاننىڭ سىرتقى ٸستەر مينيسترلٸگٸ حابارلادى.
قىرعىزستانعا قايتقان ازاماتتار اراسىندا ەكٸ بالا, 82 ەيەل (33 ەيەلدٸڭ اياعى اۋىر), دەنساۋلىعى دٸمكەس 80 ەگدە ەر ادام بار.
قىرعىزستاننىڭ سىرتقى ٸستەر مينيسترلٸگٸنٸڭ حابارلاۋىنشا, مەديتسينالىق پروتسەدۋرالاردان ٶتۋ ٷشٸن كەلگەندەر وبسەرۆاتسيياعا ورنالاستىرىلعان. ۇشاققا سىيماي قالعان قىرعىز ازاماتتارى ەلٸنە اۆتوبۋسپەن جەتكٸزٸلەدٸ.
رەسەيدٸڭ ورىنبور وبلىسىندا شامامەن 500 قىرعىز ازاماتى رەسەيدٸڭ تٶتەنشە جاعداي مينيسترلٸگٸ ۇيىمداستىرعان ورىنبور - سامارا تراسساسى بويىندا پالاتكالى قالاشىقتا تۇرعان.
7 مامىردا 541 قىرعىز ازاماتى ورىنبور وبلىسىنىڭ سول-يلەتسك قالاسىنان كەلگەن. ولار ۇزاق ۋاقىت رەسەي-قازاقستان شەكاراسىنان ٶتە الماي تۇرىپ قالعان. ولاردىڭ اراسىنان 104 ادامنان كوروناۆيرۋس تابىلعان.
