Almaty oblysynda órtengen kúii tabylǵan politsiia qyzmetkeri Aslan Álserovke qatysty jańa derekter men marqumnyń videosy áleýmettik jelide tarady, dep habarlaidy ult.kz.
Buǵan deiin habarlanǵandai, Aslan Álserov Almaty qalasy Áýezov aýdandyq politsiia bóliminde qyzmet etken. Qaiǵyly oqiǵaǵa qatysty tergeý jalǵasyp jatyr. Qazirgi ýaqytta marqumnyń jubaiy, eki uly jáne olardyń 14 jastaǵy dosy kúdikti retinde qamaýǵa alynǵan.
Tergeý málimetine sáikes, oqiǵa bolǵan kúni politsiia qyzmetkeri úiine kesh kelgen. Úide shyqqan janjal tóbeleske ulasqan. Aldyn ala nusqa boiynsha, jasóspirimderdiń biri er adamnyń basynan aýyr zatpen urǵan bolýy múmkin. Keiin kúdiktiler es-tússiz jatqan er adamnyń denesin kólikke salyp, Almaty oblysy Kegen aýdanyna qarai alyp ketken degen derek bar.
Tergeý boljamynsha, máiit Kókpek – Kóktal – Kegen tas jolynan taýǵa qarai shamamen jarty shaqyrym jerde órtelgen. Oqiǵanyń naqty mán-jaiy sot-meditsinalyq saraptamalardan keiin anyqtalmaq.
Osy oqiǵaǵa bailanysty marqumnyń qaryndasy Aidana Bekbolatovna Instagram paraqshasynda aǵasyn joqtap, áserli jazba jariialady.
"Búgin mine 3 kún, aǵatai! Seniń joqtyǵyńa qalai senerimdi de bilmeimin. 3 kún qol jaiyp, tań namazymen duǵa jasap, basyńa barǵanyma... Jatqan jeriń jaily bolsyn! Janyń jai tapsyn! Máńgige esimde, júregimde. Balapandaryń aman bolsyn!" – dep jazdy ol.
Sondai-aq ol aǵasynyń otbasyna qorǵan bolǵanyn, balalarynyń janynda júrgen sátteri foto-videolardan kórinetinin aitty.
"Qanshama foto-video qarasam, otbasyńnyń qasynda qorǵan bolǵanyńdy, balapandaryńdy damytyp júrgenińdi kórýge bolady. Sen týraly kitap jazýǵa bolady. Senimen bir sát tildesken adamnyń ózi jaqsylyǵyńdy aityp ketti. Qaityp seneiin?! Seniń keń júregińe álem syiǵanyn qaidan bileiin", – dep jazdy marqumnyń qaryndasy.
