الماتى وبلىسىندا ٶرتەنگەن كٷيٸ تابىلعان پوليتسييا قىزمەتكەرٸ اسلان ەلسەروۆكە قاتىستى جاڭا دەرەكتەر مەن مارقۇمنىڭ ۆيدەوسى ەلەۋمەتتٸك جەلٸدە تارادى, دەپ حابارلايدى ult.kz.
بۇعان دەيٸن حابارلانعانداي, اسلان ەلسەروۆ الماتى قالاسى ەۋەزوۆ اۋداندىق پوليتسييا بٶلٸمٸندە قىزمەت ەتكەن. قايعىلى وقيعاعا قاتىستى تەرگەۋ جالعاسىپ جاتىر. قازٸرگٸ ۋاقىتتا مارقۇمنىڭ جۇبايى, ەكٸ ۇلى جەنە ولاردىڭ 14 جاستاعى دوسى كٷدٸكتٸ رەتٸندە قاماۋعا الىنعان.
تەرگەۋ مەلٸمەتٸنە سەيكەس, وقيعا بولعان كٷنٸ پوليتسييا قىزمەتكەرٸ ٷيٸنە كەش كەلگەن. ٷيدە شىققان جانجال تٶبەلەسكە ۇلاسقان. الدىن الا نۇسقا بويىنشا, جاسٶسپٸرٸمدەردٸڭ بٸرٸ ەر ادامنىڭ باسىنان اۋىر زاتپەن ۇرعان بولۋى مٷمكٸن. كەيٸن كٷدٸكتٸلەر ەس-تٷسسٸز جاتقان ەر ادامنىڭ دەنەسٸن كٶلٸككە سالىپ, الماتى وبلىسى كەگەن اۋدانىنا قاراي الىپ كەتكەن دەگەن دەرەك بار.
تەرگەۋ بولجامىنشا, مەيٸت كٶكپەك – كٶكتال – كەگەن تاس جولىنان تاۋعا قاراي شامامەن جارتى شاقىرىم جەردە ٶرتەلگەن. وقيعانىڭ ناقتى مەن-جايى سوت-مەديتسينالىق ساراپتامالاردان كەيٸن انىقتالماق.
وسى وقيعاعا بايلانىستى مارقۇمنىڭ قارىنداسى ايدانا بەكبولاتوۆنا Instagram پاراقشاسىندا اعاسىن جوقتاپ, ەسەرلٸ جازبا جارييالادى.
"بٷگٸن مٸنە 3 كٷن, اعاتاي! سەنٸڭ جوقتىعىڭا قالاي سەنەرٸمدٸ دە بٸلمەيمٸن. 3 كٷن قول جايىپ, تاڭ نامازىمەن دۇعا جاساپ, باسىڭا بارعانىما... جاتقان جەرٸڭ جايلى بولسىن! جانىڭ جاي تاپسىن! مەڭگٸگە ەسٸمدە, جٷرەگٸمدە. بالاپاندارىڭ امان بولسىن!" – دەپ جازدى ول.
سونداي-اق ول اعاسىنىڭ وتباسىنا قورعان بولعانىن, بالالارىنىڭ جانىندا جٷرگەن سەتتەرٸ فوتو-ۆيدەولاردان كٶرٸنەتٸنٸن ايتتى.
"قانشاما فوتو-ۆيدەو قاراسام, وتباسىڭنىڭ قاسىندا قورعان بولعانىڭدى, بالاپاندارىڭدى دامىتىپ جٷرگەنٸڭدٸ كٶرۋگە بولادى. سەن تۋرالى كٸتاپ جازۋعا بولادى. سەنٸمەن بٸر سەت تٸلدەسكەن ادامنىڭ ٶزٸ جاقسىلىعىڭدى ايتىپ كەتتٸ. قايتىپ سەنەيٸن?! سەنٸڭ كەڭ جٷرەگٸڭە ەلەم سىيعانىن قايدان بٸلەيٸن", – دەپ جازدى مارقۇمنىڭ قارىنداسى.
