Foto: Gov.kz
Almatyda «Orteke» VII Halyqaralyq qýyrshaq teatrlary festivaliniń saltanatty ashylýy ótti, dep habarlaidy Ult.kz.
Aýqymdy mádeni is-sharaǵa Qazaqstan, Grýziia, Túrkiia, Ózbekstan jáne Ázerbaijan elderiniń sala mamandary qatysty. Festival qala turǵyndary men qonaqtaryna qýyrshaq óneriniń biregei týyndylaryn tamashalaýǵa múmkindik berdi.
Ashylý rásimi Respýblikalyq memlekettik korei mýzykalyq komediia teatrynyń sahnasynda ótti. Is-sharaǵa óner qairatkerleri, qala turǵyndary men qonaqtary, sondai-aq TÚRKSOI uiymynyń ókilderi qatysty.
Festival baǵdarlamasy Samarqand oblystyq qýyrshaq teatry qoiǵan «Áli Qusshy» spektaklimen bastaldy.
Bes kún boiy baiqaý spektaklderi Respýblikalyq memlekettik korei mýzykalyq komediia teatry, Almaty memlekettik qýyrshaq teatry, Ǵ. Músirepov atyndaǵy Qazaq memlekettik akademiialyq balalar men jasóspirimder teatry jáne Totalnyi teatr sahnalarynda ótedi.
Festival qoiylymdaryn Qazaqstan, Moldova, Tájikstan jáne Túrkiianyń jetekshi teatr qairatkerlerinen quralǵan halyqaralyq qazylar alqasy baǵalaidy.
