Siz daýys berý kúni 18 jasqa tolǵan jáne belsendi sailaý quqyǵyna ie Qazaqstan Respýblikasynyń azamaty bolsańyz, Sizdiń 2022 jylǵy 5 maýsymǵa taǵaiyndalǵan Qazaqstan Respýblikasynyń Konstitýtsiiasyna túzetýler boiynsha respýblikalyq referendýmǵa qatysýyńyzǵa quqyǵyńyz bar.
Sizdiń respýblikalyq referendýmǵa qatysý quqyǵy bar azamattardyń tizimderine engizilýińiz referendýmǵa qatysý konstitýtsiialyq quqyǵyńyzdyń iske asyrylý kepili sanalady.
Jergilikti atqarýshy organdar (ákimdikter) tizimderdi Sizdiń daýys berýge arnalǵan naqty ýchaskeniń aýmaǵyndaǵy turǵylyqty jerińiz boiynsha turaqty tirkelýińizdiń negizinde jasaidy. Ýaqytsha tirkelgen azamattar tizimderge berilgen ótinish negizinde engiziledi.
Daýys berýge arnalǵan ýchaskeler tiisti ákimderdiń sheshimderimen qurylady, olardyń shekaralary buqaralyq aqparat quraldarynda jariialanady. Óz ýchaskeńizdi bilip, tizimge engizilgenińizdi Siz jergilikti atqarýshy organǵa habarlasyp, teksere alasyz. Tizimde bolmaǵan jaǵdaida, Siz ákimdikke tiisti ótinish berýge quqylysyz.
2022 jylǵy 20 mamyrdan bastap óz ýchaskeńizde Sizge respýblikalyq referendýmǵa qatysý quqyǵy bar azamattar tizimindegi ózińiz týraly derekterdi tekserý múmkindigi beriledi. Qandai da bir ózgerister engizý qajet bolsa, Siz dereý ýchaskelik referendým komissiiasyna júgine alasyz.
Barshańyzdy azamattyq jaýapkershilik tanytýǵa jáne respýblikalyq referendýmǵa qatysý quqyǵyńyzdy iske asyrýǵa shaqyramyz!" - delingen úndeýde.
