سٸز داۋىس بەرۋ كٷنٸ 18 جاسقا تولعان جەنە بەلسەندٸ سايلاۋ قۇقىعىنا يە قازاقستان رەسپۋبليكاسىنىڭ ازاماتى بولساڭىز, سٸزدٸڭ 2022 جىلعى 5 ماۋسىمعا تاعايىندالعان قازاقستان رەسپۋبليكاسىنىڭ كونستيتۋتسيياسىنا تٷزەتۋلەر بويىنشا رەسپۋبليكالىق رەفەرەندۋمعا قاتىسۋىڭىزعا قۇقىعىڭىز بار.
سٸزدٸڭ رەسپۋبليكالىق رەفەرەندۋمعا قاتىسۋ قۇقىعى بار ازاماتتاردىڭ تٸزٸمدەرٸنە ەنگٸزٸلۋٸڭٸز رەفەرەندۋمعا قاتىسۋ كونستيتۋتسييالىق قۇقىعىڭىزدىڭ ٸسكە اسىرىلۋ كەپٸلٸ سانالادى.
جەرگٸلٸكتٸ اتقارۋشى ورگاندار (ەكٸمدٸكتەر) تٸزٸمدەردٸ سٸزدٸڭ داۋىس بەرۋگە ارنالعان ناقتى ۋچاسكەنٸڭ اۋماعىنداعى تۇرعىلىقتى جەرٸڭٸز بويىنشا تۇراقتى تٸركەلۋٸڭٸزدٸڭ نەگٸزٸندە جاسايدى. ۋاقىتشا تٸركەلگەن ازاماتتار تٸزٸمدەرگە بەرٸلگەن ٶتٸنٸش نەگٸزٸندە ەنگٸزٸلەدٸ.
داۋىس بەرۋگە ارنالعان ۋچاسكەلەر تيٸستٸ ەكٸمدەردٸڭ شەشٸمدەرٸمەن قۇرىلادى, ولاردىڭ شەكارالارى بۇقارالىق اقپارات قۇرالدارىندا جارييالانادى. ٶز ۋچاسكەڭٸزدٸ بٸلٸپ, تٸزٸمگە ەنگٸزٸلگەنٸڭٸزدٸ سٸز جەرگٸلٸكتٸ اتقارۋشى ورگانعا حابارلاسىپ, تەكسەرە الاسىز. تٸزٸمدە بولماعان جاعدايدا, سٸز ەكٸمدٸككە تيٸستٸ ٶتٸنٸش بەرۋگە قۇقىلىسىز.
2022 جىلعى 20 مامىردان باستاپ ٶز ۋچاسكەڭٸزدە سٸزگە رەسپۋبليكالىق رەفەرەندۋمعا قاتىسۋ قۇقىعى بار ازاماتتار تٸزٸمٸندەگٸ ٶزٸڭٸز تۋرالى دەرەكتەردٸ تەكسەرۋ مٷمكٸندٸگٸ بەرٸلەدٸ. قانداي دا بٸر ٶزگەرٸستەر ەنگٸزۋ قاجەت بولسا, سٸز دەرەۋ ۋچاسكەلٸك رەفەرەندۋم كوميسسيياسىنا جٷگٸنە الاسىز.
بارشاڭىزدى ازاماتتىق جاۋاپكەرشٸلٸك تانىتۋعا جەنە رەسپۋبليكالىق رەفەرەندۋمعا قاتىسۋ قۇقىعىڭىزدى ٸسكە اسىرۋعا شاقىرامىز!" - دەلٸنگەن ٷندەۋدە.
