Ortalyq sailaý komissiiasy qazaqstandyqtarǵa úndeý jasady, - dep habarlaidy "Ult aqparat".
OSK sailaýshylar tizimine engizilý - sailaýǵa qatysýǵa konstitýtsiialyq quqyqty iske asyrýdyń kepili ekenin atap ótti.
"Tizimderdi daýys berýge arnalǵan naqty ýchaskesiniń aýmaǵynda turǵylyqty jeri boiynsha turaqty tirkeý negizinde jergilikti atqarýshy organdar (ákimdikter) jasaidy. Turaqty tirkeýi joq azamattar tizimderge olardyń ornalasqan jeri boiynsha ákimdikterge bergen ótinishiniń negizinde engiziledi.
Daýys berý kúni tirkelgen jeri boiynsha sailaý ýchaskesine kele almaityn árbir azamat daýys berý kúnine bir ai qalǵanda, iaǵni 2022 jylǵy 20 qazanynan keshiktirmei tiisti ákimdikke ótinish berip, olardyń naqty ornalasqan jeri boiynsha sailaý ýchaskesinde tirkelýge quqyly", - delingen habarlamada.
OSK málimetinshe, ótinish túsken kezde ákimdik azamatty tirkelgen jeri boiynsha sailaýshylar tiziminen shyǵarýdy jáne ony daýys beretin ýchaskeniń tizimine engizýdi uiymdastyrady.
Osy quqyqty:
- daýys berý kúni tirkelgen jeri boiynsha bolmaitynyn biletin azamattar;
- basqa qaladan kelgen, arnaýly orta jáne joǵary oqý oryndarynda oqityn, jataqhanalardan tys turatyn stýdentter;
- vahtalyq ádispen jumys isteitin azamattar paidalana alady.
"Azamat sailaýshylardyń bir ǵana tizimine engizile alady. Sailaýshylar tizimine tirkelgen jerińiz boiynsha engizilgenińizdi tiisti ákimdiktiń saity nemese Call-ortalyǵy arqyly tekserýge bolady.
2022 jyldyń 4 qarashasynan bastap Sizge óz ýchaskeńizdegi sailaýshylar tizimindegi derekterińizdi tekserý múmkindigi beriletin bolady", - delingen habarlamada.
