Ortalyq memlekettik organdardyń qyzmetkerleri úshin jalaqy 2024 jylǵa deiin jyl saiyn 30 paiyzǵa kóterilip otyrady. Bul týraly QR Premer-Ministri Asqar Mamin aitty, dep habarlaidy QazAqparat.
«82 myń memlekettik qyzmetshiniń ailyǵy kóteriletin bolady. Osy jyldyń 1 shildesinen bastap, jergilikti atqarýshy organdar qyzmetkerleri úshin jalaqy 1,9 esege kóteriledi. 2020 jyldyń 1 qańtaryna bastap ortalyq memlekettik organdardyń qyzmetkerleri úshin jalaqy 2024 jylǵa deiin jyl saiyn 30 paiyzǵa kóterilip otyrady», - dedi Premer-Ministr Úkimettiń keńeitilgen otyrysynda.
Úkimet basshysynyń atap ótýinshe, pedagogterdiń ortasha jalaqysy 253 myń teńgege deiin, dárigerlerdiń jalaqysy 320 myń teńgege deiin, áleýmettik qyzmetkerlerdiń jalaqysy 180 myń teńgege deiin, memlekettik qyzmetshilerdiń jalaqysy 267myń teńgege deiin artady.
«Elimiz boiynsha ortasha jalaqy 2021 jyldyń 6 aiynda 233 myń teńgeni qurady», - dedi Asqar Mamin.
