QR Mádeniet jáne sport ministriniń buiryǵymen Ortalyq memlekettik kino-fotoqujattar men dybys jazbalary arhiviniń direktory qyzmetine Janai Seiitjanuly Omarov taǵaiyndaldy. Bul týraly atalmysh vedomostvonyń resmi saitynda habarlandy.
Jańa basshyny arhiv ujymyna QR Mádeniet jáne sport vitse-ministri Órken Bisaqaev tanystyryp, jumysyna tabys tiledi.
Janai Seiitjanuly Omarov 1955 jyly dúniege kelgen. Filosofiia ǵylymdarynyń kandidaty, dotsent. 1977 jyly M. Lomonosov atyndaǵy Máskeý memlekettik ýniversitetin, 1980 jyly MMÝ-niń aspirantýrasyn bitirgen.
1980-1986 jyldary - QazPTI-dyń oqytýshysy, aǵa oqytýshysy, dotsenti. 1986-1989 jyldary - QazMÝ janyndaǵy Qoǵamdyq ǵylymdar oqytýshylarynyń biliktiligin kóterý institýtynyń kafedra meńgerýshisi. 1989-1991 jj. - Halyqqa bilim berý ministrliginiń Qoǵamdyq ǵylymdardy oqytý basty basqarmasynyń basshysy. 1991-1993 jyldary – QazMÝ-dyń biliktilikti kóterý institýtynyń ǵylym jumysy boiynsha direktordyń orynbasary. 1998 jyly - Almaty qalalyq aqparat jáne qoǵamdyq kelisim basqarmasynyń basshysy. 1998-1999 jyldary - QR Prezidentine úmitker N.Á. Nazarbaevty qoldaý qoǵamdyq shtabynyń úgit-nasihat tobynyń jetekshisi - Baspasóz hatshysy, «Otan» partiiasy tóraǵasynyń orynbasary. 1999-2001 jyldary - Mádeniet, aqparat jáne qoǵamdyq kelisim ministrliginiń Buqaralyq aqparat quraldary departamentiniń direktory. 2001-2004 jyldary - Qazaqstan Respýblikasy Prezidentiniń Baspasóz hatshysy. 2004 jyly - QR Prezidenti Ákimshiligi Aqparattyq-taldaý ortalyǵynyń meńgerýshisi, qoǵammen jáne baspasózben bailanys bóliminiń meńgerýshisi. 2004-2007 jyldary - «Qazaqparat» UK» AQ prezidenti. 2007-2008 jyldary - «Qazaqstan Týdei» agenttigi» AQ baspa úiiniń bas direktory, «Karavan» gazetiniń bas redaktory. 2008-2011 jyldary - «Qazaqstan» RTRK» AQ basqarma tóraǵasy. 2011-2014 jyldary - «Kazahstanskaia pravda» respýblikalyq gazeti» AQ basqarma tóraǵasy. 2014 jyldyń qańtar-tamyz ailarynda Qazaqstan Respýblikasy Mádeniet vitse-ministri boldy. 2014-2018 jyldary «NUR-Media» JShS-niń bas direktory bolǵan.
Qazaqstan jýrnalistika akademiiasynyń akademigi.
«Qurmet» jáne «Parasat» ordenderimen, medaldarmen marapattalǵan.
