قر مەدەنيەت جەنە سپورت مينيسترٸنٸڭ بۇيرىعىمەن ورتالىق مەملەكەتتٸك كينو-فوتوقۇجاتتار مەن دىبىس جازبالارى ارحيۆٸنٸڭ ديرەكتورى قىزمەتٸنە جاناي سەيٸتجانۇلى وماروۆ تاعايىندالدى. بۇل تۋرالى اتالمىش ۆەدوموستۆونىڭ رەسمي سايتىندا حابارلاندى.
جاڭا باسشىنى ارحيۆ ۇجىمىنا قر مەدەنيەت جەنە سپورت ۆيتسە-مينيسترٸ ٶركەن بيساقاەۆ تانىستىرىپ, جۇمىسىنا تابىس تٸلەدٸ.
جاناي سەيٸتجانۇلى وماروۆ 1955 جىلى دٷنيەگە كەلگەن. فيلوسوفييا عىلىمدارىنىڭ كانديداتى, دوتسەنت. 1977 جىلى م. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸن, 1980 جىلى ممۋ-نٸڭ اسپيرانتۋراسىن بٸتٸرگەن.
1980-1986 جىلدارى - قازپتي-دىڭ وقىتۋشىسى, اعا وقىتۋشىسى, دوتسەنتٸ. 1986-1989 جىلدارى - قازمۋ جانىنداعى قوعامدىق عىلىمدار وقىتۋشىلارىنىڭ بٸلٸكتٸلٸگٸن كٶتەرۋ ينستيتۋتىنىڭ كافەدرا مەڭگەرۋشٸسٸ. 1989-1991 جج. - حالىققا بٸلٸم بەرۋ مينيسترلٸگٸنٸڭ قوعامدىق عىلىمداردى وقىتۋ باستى باسقارماسىنىڭ باسشىسى. 1991-1993 جىلدارى – قازمۋ-دىڭ بٸلٸكتٸلٸكتٸ كٶتەرۋ ينستيتۋتىنىڭ عىلىم جۇمىسى بويىنشا ديرەكتوردىڭ ورىنباسارى. 1998 جىلى - الماتى قالالىق اقپارات جەنە قوعامدىق كەلٸسٸم باسقارماسىنىڭ باسشىسى. 1998-1999 جىلدارى - قر پرەزيدەنتٸنە ٷمٸتكەر ن.ە. نازارباەۆتى قولداۋ قوعامدىق شتابىنىڭ ٷگٸت-ناسيحات توبىنىڭ جەتەكشٸسٸ - باسپاسٶز حاتشىسى, «وتان» پارتيياسى تٶراعاسىنىڭ ورىنباسارى. 1999-2001 جىلدارى - مەدەنيەت, اقپارات جەنە قوعامدىق كەلٸسٸم مينيسترلٸگٸنٸڭ بۇقارالىق اقپارات قۇرالدارى دەپارتامەنتٸنٸڭ ديرەكتورى. 2001-2004 جىلدارى - قازاقستان رەسپۋبليكاسى پرەزيدەنتٸنٸڭ باسپاسٶز حاتشىسى. 2004 جىلى - قر پرەزيدەنتٸ ەكٸمشٸلٸگٸ اقپاراتتىق-تالداۋ ورتالىعىنىڭ مەڭگەرۋشٸسٸ, قوعاممەن جەنە باسپاسٶزبەن بايلانىس بٶلٸمٸنٸڭ مەڭگەرۋشٸسٸ. 2004-2007 جىلدارى - «قازاقپارات» ۇك» اق پرەزيدەنتٸ. 2007-2008 جىلدارى - «قازاقستان تۋدەي» اگەنتتٸگٸ» اق باسپا ٷيٸنٸڭ باس ديرەكتورى, «كاراۆان» گازەتٸنٸڭ باس رەداكتورى. 2008-2011 جىلدارى - «قازاقستان» رترك» اق باسقارما تٶراعاسى. 2011-2014 جىلدارى - «كازاحستانسكايا پراۆدا» رەسپۋبليكالىق گازەتٸ» اق باسقارما تٶراعاسى. 2014 جىلدىڭ قاڭتار-تامىز ايلارىندا قازاقستان رەسپۋبليكاسى مەدەنيەت ۆيتسە-مينيسترٸ بولدى. 2014-2018 جىلدارى «نۇر-مەديا» جشس-نٸڭ باس ديرەكتورى بولعان.
قازاقستان جۋرناليستيكا اكادەميياسىنىڭ اكادەميگٸ.
«قۇرمەت» جەنە «پاراسات» وردەندەرٸمەن, مەدالدارمەن ماراپاتتالعان.
