Bishkekte «Ashyq derekter saiasattary, praktikalary jáne keisteri» atty seminar ótti, onda Ortalyq Aziia men Kavkaz elderi 60-tan astam ókilderi ashyq derekter saiasaty boiynsha Koreia, Kanada, Estoniia jáne EO elderiniń tabysty tájiribelerimen tanysty.
Qyrǵyz Respýblikasy tsifrlyq damý vitse-ministri Indira Sharshenova «jyl saiyn memlekettik aqparattyq resýrstardy qalyptastyrýǵa biýdjet qarajatynyń edáýir bóligi jumsalady. Málimetter birtindep eskirip, qundylyǵyn joǵaltýda. Ýaqytynda jariialanǵan aqparat qoǵamǵa ekonomika, ǵylym jáne tehnika úshin qundy shikizat retinde qyzmet etip, jańa qyzmetterdi ashyp jáne azamattardyń ómirlik tańdaýyn jasaýǵa negiz bola alady», – dedi ol. «Óz elderimizdiń josparlaryn júzege asyrýmen qatar, jahandyq tsifrlyq protsesterge ilesip, óz ornymyzdy tabýǵa úlgerý úshin integratsiiaǵa, data-tsentrizmge belsendi kóshý mańyzdy. Kúshimiz – birlikte», – dep atap aitty Sharshenova.
Koreia Respýblikasy Ishki ister jáne qaýipsizdik ministrligi (MOIS) janyndaǵy derekterdi keshendi taldaý ortalyǵynyń direktory Chýl Kim «halyqaralyq qaýymdastyq qazirgi kezde klimattyń ózgerýi, daǵdarys jáne áleýmettik-ekonomikalyq teńsizdik syndy kóptegen máselelerge tap bolyp otyr. Osy oraida, ashyq derekter - tsifrlyq ekonomikanyń negizgi elementi jáne aldymyzda turǵan kóptegen syn-qaterlerdi tiimdi eńserý jolyndaǵy taptyrmas resýrs», – dep aitty.
Astana Memlekettik qyzmet habynyń joba menedjeri Baqyt Jeksembai «pandemiia jańa tehnologiialardy keńinen qoldanýdyń jáne búkil álemde memlekettik qyzmetter kórsetýdiń sapasy men jyldamdyǵyn jaqsartýdyń katalizatory boldy», – dep atap ótti. «Tsifrlyq úkimet salasyndaǵy sońǵy jaǵdailar aiasynda derekterge kóbirek ashyqtyq pen qoljetimdilikti qamtamasyz etý mańyzdyraq bola tústi. Osyny qamtamasyz etý barysynda derekterdiń durystyǵy, dáiektiligi jáne ýaqtyly berilýi siiaqty qaǵidalardy saqtaý, sondai-aq kez kelgen kemsitýshilikten aýlaq bola otyryp, azamattardyń quqyqtary men bostandyqtarynyń saqtalýyna kepildik berý óte mańyzdy. Memlekettik derekter ashyq bola túsken saiyn memlekettik institýttar azamattar úshin barynsha taza ári esep berýi arta túsedi, bul túptep kelgende, áleýmettik kapital ǵana emes, tiimdi ákimshilik kapital sanalatyn qoǵamdyq senimdi arttyra alady», – dedi spiker.
Sonymen qatar, BUUDB Qyrǵyzstandaǵy Turaqty ókili orynbasary Monika Rizal jáne Qyrǵyz Respýblikasy Ministrler Kabineti janyndaǵy Memlekettik qyzmet jáne jergilikti ózin-ózi basqarý isteri jónindegi memlekettik agenttik direktory Elchibek Jantaev ta óz pikirlerin ortaǵa saldy. Olar azamattardyń qoljetimdi aqparatqa quqyǵyn keńeitý men ashyqtyǵyn arttyrýda, olardyń múmkindikteri, ózara árekettesýi men áleýmettik integratsiiasy úshin ashyq derekter saiasatynyń sheshýshi ról atqaratynyna toqtaldy.
Seminar barysynda Koreia jáne KMG Baltyq elderindegi halyqaralyq sarapshylary ashyq derekter saiasaty negizderimen, ony iske asyrýdaǵy synaqtarmen, sondai-aq ashyq derekterdi ashý jáne paidalaný keisterimen tanystyrdy.
Qatysýshylardyń osy saladaǵy máselelerdi taldap, ashyq derekter saiasatyn júzege asyrý boiynsha keńester alýǵa múmkindikteri boldy. Is-shara barysynda Qyrǵyz Respýblikasy ókiletti memlekettik organdarynda boldy, tsifrlandyrý salasyndaǵy innovatsiialyq jobalarmen tanysty.
Eki kúndik seminar Astana Memlekettik qyzmet haby (Hab), Qazaqstandaǵy BUUDB, Ishki ister jáne qaýipsizdik ministrligi (MOIS), Koreia Respýblikasynyń Ulttyq aqparattyq qoǵam agenttigi (NIA), Qyrǵyz Respýblikasynyń tsifrlyq damý ministrligi jáne Qyrǵyz Respýblikasy Ministrler Kabineti janyndaǵy Memlekettik qyzmet jáne jergilikti ózin-ózi basqarý isteri jónindegi memlekettik agenttigi uiymdastyrýymen jáne Qyrǵyzstandaǵy BUUDB qoldaýymen ótti.
Aita keteiik, seminar - BUUDB, Hab, MOIS jáne NIA birlesken óńirlik jobasynyń Ortalyq Aziia (Qazaqstan, Qyrǵyzstan, Tájikstan jáne Ózbekstan) jáne Kavkazdyń (Ázirbaijan, Armeniia, Grýziia) jeti eliniń memlekettik basqarý júiesinde innovatsiialar engizý jáne memlekettik qyzmetter kórsetý salasyn tsifrlandyrý máselelerimen ainalysatyn memlekettik qyzmetshiler men praktikterdiń áleýetin arttyrýǵa baǵyttalǵan kezekti is-shara. Joba úsh jylǵa (2021-2023 jj.) arnalǵan ári zertteýler, seminarlar, konferentsiialar, sondai-aq Koreia Respýblikasyna tanystyrý saparlaryn ótkizýdi qamtidy.
