بٸشكەكتە «اشىق دەرەكتەر ساياساتتارى, پراكتيكالارى جەنە كەيستەرٸ» اتتى سەمينار ٶتتٸ, وندا ورتالىق ازييا مەن كاۆكاز ەلدەرٸ 60-تان استام ٶكٸلدەرٸ اشىق دەرەكتەر ساياساتى بويىنشا كورەيا, كانادا, ەستونييا جەنە ەو ەلدەرٸنٸڭ تابىستى تەجٸريبەلەرٸمەن تانىستى.
قىرعىز رەسپۋبليكاسى تسيفرلىق دامۋ ۆيتسە-مينيسترٸ ينديرا شارشەنوۆا «جىل سايىن مەملەكەتتٸك اقپاراتتىق رەسۋرستاردى قالىپتاستىرۋعا بيۋدجەت قاراجاتىنىڭ ەدەۋٸر بٶلٸگٸ جۇمسالادى. مەلٸمەتتەر بٸرتٸندەپ ەسكٸرٸپ, قۇندىلىعىن جوعالتۋدا. ۋاقىتىندا جارييالانعان اقپارات قوعامعا ەكونوميكا, عىلىم جەنە تەحنيكا ٷشٸن قۇندى شيكٸزات رەتٸندە قىزمەت ەتٸپ, جاڭا قىزمەتتەردٸ اشىپ جەنە ازاماتتاردىڭ ٶمٸرلٸك تاڭداۋىن جاساۋعا نەگٸز بولا الادى», – دەدٸ ول. «ٶز ەلدەرٸمٸزدٸڭ جوسپارلارىن جٷزەگە اسىرۋمەن قاتار, جاھاندىق تسيفرلىق پروتسەستەرگە ٸلەسٸپ, ٶز ورنىمىزدى تابۋعا ٷلگەرۋ ٷشٸن ينتەگراتسيياعا, داتا-تسەنتريزمگە بەلسەندٸ كٶشۋ ماڭىزدى. كٷشٸمٸز – بٸرلٸكتە», – دەپ اتاپ ايتتى شارشەنوۆا.
كورەيا رەسپۋبليكاسى ٸشكٸ ٸستەر جەنە قاۋٸپسٸزدٸك مينيسترلٸگٸ (MOIS) جانىنداعى دەرەكتەردٸ كەشەندٸ تالداۋ ورتالىعىنىڭ ديرەكتورى چۋل كيم «حالىقارالىق قاۋىمداستىق قازٸرگٸ كەزدە كليماتتىڭ ٶزگەرۋٸ, داعدارىس جەنە ەلەۋمەتتٸك-ەكونوميكالىق تەڭسٸزدٸك سىندى كٶپتەگەن مەسەلەلەرگە تاپ بولىپ وتىر. وسى ورايدا, اشىق دەرەكتەر - تسيفرلىق ەكونوميكانىڭ نەگٸزگٸ ەلەمەنتٸ جەنە الدىمىزدا تۇرعان كٶپتەگەن سىن-قاتەرلەردٸ تيٸمدٸ ەڭسەرۋ جولىنداعى تاپتىرماس رەسۋرس», – دەپ ايتتى.
استانا مەملەكەتتٸك قىزمەت حابىنىڭ جوبا مەنەدجەرٸ باقىت جەكسەمباي «پاندەمييا جاڭا تەحنولوگييالاردى كەڭٸنەن قولدانۋدىڭ جەنە بٷكٸل ەلەمدە مەملەكەتتٸك قىزمەتتەر كٶرسەتۋدٸڭ ساپاسى مەن جىلدامدىعىن جاقسارتۋدىڭ كاتاليزاتورى بولدى», – دەپ اتاپ ٶتتٸ. «تسيفرلىق ٷكٸمەت سالاسىنداعى سوڭعى جاعدايلار اياسىندا دەرەكتەرگە كٶبٸرەك اشىقتىق پەن قولجەتٸمدٸلٸكتٸ قامتاماسىز ەتۋ ماڭىزدىراق بولا تٷستٸ. وسىنى قامتاماسىز ەتۋ بارىسىندا دەرەكتەردٸڭ دۇرىستىعى, دەيەكتٸلٸگٸ جەنە ۋاقتىلى بەرٸلۋٸ سيياقتى قاعيدالاردى ساقتاۋ, سونداي-اق كەز كەلگەن كەمسٸتۋشٸلٸكتەن اۋلاق بولا وتىرىپ, ازاماتتاردىڭ قۇقىقتارى مەن بوستاندىقتارىنىڭ ساقتالۋىنا كەپٸلدٸك بەرۋ ٶتە ماڭىزدى. مەملەكەتتٸك دەرەكتەر اشىق بولا تٷسكەن سايىن مەملەكەتتٸك ينستيتۋتتار ازاماتتار ٷشٸن بارىنشا تازا ەرٸ ەسەپ بەرۋٸ ارتا تٷسەدٸ, بۇل تٷپتەپ كەلگەندە, ەلەۋمەتتٸك كاپيتال عانا ەمەس, تيٸمدٸ ەكٸمشٸلٸك كاپيتال سانالاتىن قوعامدىق سەنٸمدٸ ارتتىرا الادى», – دەدٸ سپيكەر.
سونىمەن قاتار, بۇۇدب قىرعىزستانداعى تۇراقتى ٶكٸلٸ ورىنباسارى مونيكا ريزال جەنە قىرعىز رەسپۋبليكاسى مينيسترلەر كابينەتٸ جانىنداعى مەملەكەتتٸك قىزمەت جەنە جەرگٸلٸكتٸ ٶزٸن-ٶزٸ باسقارۋ ٸستەرٸ جٶنٸندەگٸ مەملەكەتتٸك اگەنتتٸك ديرەكتورى ەلچيبەك جانتاەۆ تا ٶز پٸكٸرلەرٸن ورتاعا سالدى. ولار ازاماتتاردىڭ قولجەتٸمدٸ اقپاراتقا قۇقىعىن كەڭەيتۋ مەن اشىقتىعىن ارتتىرۋدا, ولاردىڭ مٷمكٸندٸكتەرٸ, ٶزارا ەرەكەتتەسۋٸ مەن ەلەۋمەتتٸك ينتەگراتسيياسى ٷشٸن اشىق دەرەكتەر ساياساتىنىڭ شەشۋشٸ رٶل اتقاراتىنىنا توقتالدى.
سەمينار بارىسىندا كورەيا جەنە KMG بالتىق ەلدەرٸندەگٸ حالىقارالىق ساراپشىلارى اشىق دەرەكتەر ساياساتى نەگٸزدەرٸمەن, ونى ٸسكە اسىرۋداعى سىناقتارمەن, سونداي-اق اشىق دەرەكتەردٸ اشۋ جەنە پايدالانۋ كەيستەرٸمەن تانىستىردى.
قاتىسۋشىلاردىڭ وسى سالاداعى مەسەلەلەردٸ تالداپ, اشىق دەرەكتەر ساياساتىن جٷزەگە اسىرۋ بويىنشا كەڭەستەر الۋعا مٷمكٸندٸكتەرٸ بولدى. ٸس-شارا بارىسىندا قىرعىز رەسپۋبليكاسى ٶكٸلەتتٸ مەملەكەتتٸك ورگاندارىندا بولدى, تسيفرلاندىرۋ سالاسىنداعى يننوۆاتسييالىق جوبالارمەن تانىستى.
ەكٸ كٷندٸك سەمينار استانا مەملەكەتتٸك قىزمەت حابى (حاب), قازاقستانداعى بۇۇدب, ٸشكٸ ٸستەر جەنە قاۋٸپسٸزدٸك مينيسترلٸگٸ (MOIS), كورەيا رەسپۋبليكاسىنىڭ ۇلتتىق اقپاراتتىق قوعام اگەنتتٸگٸ (NIA), قىرعىز رەسپۋبليكاسىنىڭ تسيفرلىق دامۋ مينيسترلٸگٸ جەنە قىرعىز رەسپۋبليكاسى مينيسترلەر كابينەتٸ جانىنداعى مەملەكەتتٸك قىزمەت جەنە جەرگٸلٸكتٸ ٶزٸن-ٶزٸ باسقارۋ ٸستەرٸ جٶنٸندەگٸ مەملەكەتتٸك اگەنتتٸگٸ ۇيىمداستىرۋىمەن جەنە قىرعىزستانداعى بۇۇدب قولداۋىمەن ٶتتٸ.
ايتا كەتەيٸك, سەمينار - بۇۇدب, حاب, MOIS جەنە NIA بٸرلەسكەن ٶڭٸرلٸك جوباسىنىڭ ورتالىق ازييا (قازاقستان, قىرعىزستان, تەجٸكستان جەنە ٶزبەكستان) جەنە كاۆكازدىڭ (ەزٸربايجان, ارمەنييا, گرۋزييا) جەتٸ ەلٸنٸڭ مەملەكەتتٸك باسقارۋ جٷيەسٸندە يننوۆاتسييالار ەنگٸزۋ جەنە مەملەكەتتٸك قىزمەتتەر كٶرسەتۋ سالاسىن تسيفرلاندىرۋ مەسەلەلەرٸمەن اينالىساتىن مەملەكەتتٸك قىزمەتشٸلەر مەن پراكتيكتەردٸڭ ەلەۋەتٸن ارتتىرۋعا باعىتتالعان كەزەكتٸ ٸس-شارا. جوبا ٷش جىلعا (2021-2023 جج.) ارنالعان ەرٸ زەرتتەۋلەر, سەمينارلار, كونفەرەنتسييالار, سونداي-اق كورەيا رەسپۋبليكاسىنا تانىستىرۋ ساپارلارىن ٶتكٸزۋدٸ قامتيدى.
