Ortalyq Aziia elderinde joǵary bilim berýdiń biryńǵai Ortalyq Aziia keńistigi qurylady. Mundai sheshim Túrkistandaǵy Ortalyq Aziia elderi bilim ministrleriniń qatysýymen ótken búgingi forýmnyń qorytyndysy boiynsha qabyldandy, dep habarlaidy "Ult aqparat".
QR Bilim jáne ǵylym ministrligi baspasóz qyzmetiniń habarlaýynsha, oflain jáne onlain formatta ótken is-sharaǵa Qazaqstan, Ózbekstan, Túrikmenstan jáne Qyrǵyzstan bilim ministrlikteriniń basshylary, sondai-aq Ortalyq Aziia elderindegi bilim ministrlikteriniń ókilderi, Eýropa Keńesiniń halyqaralyq uiymdary, Eýropalyq komissiia, Bolon protsesi baqylaý tobynyń ókilderi, Erazmýs+ jáne Ortalyq Aziia elderiniń joǵary oqý oryndarynyń rektorlary qatysty.
Qazaqstannyń Bilim jáne ǵylym ministri Ashat Aimaǵambetov Ortalyq Aziia keńistigin qurý týraly usynysyn bildirip, sheteldik áriptester onyń bastamasyna qoldaý bildirdi.
Forým qorytyndysy boiynsha Túrkistan deklaratsiiasy qabyldandy.
Osy qujatqa sáikes, endi Ortalyq Aziia memleketteri óńirlik yntymaqtastyqty keńeitip, búkil Ortalyq Aziia joǵary oqý oryndarynyń ǵylymi, ziiatkerlik jáne shyǵarmashylyq áleýetin biriktiretin bolady.
Sondai-aq taraptar bilim alýshylarmen almasý úshin bilim berý baǵdarlamalarynyń, birlesken ǵylymi jobalardyń sanyn ulǵaitýǵa jáne OA elderiniń kóshbasshy stýdentteri arasynda ózara bailanys ornatýǵa, tájiribe almasý jáne jumys baǵyttaryn talqylaý úshin OA elderiniń joǵary oqý oryndary rektorlarynyń forýmdaryn ótkizýge kelisti.
Ortalyq Aziia keńistigine qatysýshy elderdiń yntymaqtastyǵy Bolon protsesi qaǵidaty boiynsha uiymdastyrylatyn bolady. Sondai-aq joǵary bilim salasyndaǵy Ortalyq Aziia keńistigi janynan OA elderiniń Bilim ministrlikteri arasyndaǵy jumysty úilestirý, Ortalyq Aziiadaǵy joǵary bilimniń tartymdylyǵyn arttyrý jáne OA memleketteri arasyndaǵy básekege qabilettilikti kúsheitý úshin hatshylyq qurylatyn bolady.
«Joǵary bilim berýdiń biryńǵai Ortalyq Aziia keńistigin qurý búgingi tańda obektivti qajettilik bolyp otyr. Jyl saiyn tanylatyn bilim týraly qujattardyń jalpy sanynyń 70%-ǵa jýyǵy Ortalyq Aziia joǵary oqý oryndarynyń qujattary. Búginde Ortalyq Aziia elderiniń azamattary bolyp tabylatyn 20 myńǵa jýyq stýdent qazaqstandyq joǵary oqý oryndarynda bilim alyp jatyr jáne bul kórsetkish jyl saiyn ósip keledi. Osyǵan bailanysty, joǵary bilimniń biryńǵai keńistigi sheńberinde búgingi tańda joǵary bilimniń Eýropalyq keńistigi elderindegi siiaqty biliktilikti tanýdyń jeńildetilgen nemese avtomatty rásimi máselesin qarastyrýǵa bolady», – dep atap ótti QR Bilim jáne ǵylym ministri Ashat Aimaǵambetov.
Túrkistan deklaratsiiasy yntymaqtastyqtyń kelesi baǵyttaryn kózdeidi:
1. Ortalyq Aziia elderi joǵary oqý oryndarynyń Aliansyn qalyptastyrý
2. Ortalyq Aziia elderiniń bilim berý sapasyn qamtamasyz etý jónindegi akkreditteý keńesin qurý
3. Ortalyq Aziia elderi stýdentteriniń Aliansyn qurý
4.Biliktilikterdi jáne bilim týraly qujattardy taný jónindegi uiymdar qaýymdastyǵyn qurý.
