ورتالىق ازييا ەلدەرٸندە جوعارى بٸلٸم بەرۋدٸڭ بٸرىڭعاي ورتالىق ازييا كەڭٸستٸگٸ قۇرىلادى. مۇنداي شەشٸم تٷركٸستانداعى ورتالىق ازييا ەلدەرٸ بٸلٸم مينيسترلەرٸنٸڭ قاتىسۋىمەن ٶتكەن بٷگٸنگٸ فورۋمنىڭ قورىتىندىسى بويىنشا قابىلداندى, دەپ حابارلايدى "ۇلت اقپارات".
قر بٸلٸم جەنە عىلىم مينيسترلٸگٸ باسپاسٶز قىزمەتٸنٸڭ حابارلاۋىنشا, وفلاين جەنە ونلاين فورماتتا ٶتكەن ٸس-شاراعا قازاقستان, ٶزبەكستان, تٷرٸكمەنستان جەنە قىرعىزستان بٸلٸم مينيسترلٸكتەرٸنٸڭ باسشىلارى, سونداي-اق ورتالىق ازييا ەلدەرٸندەگٸ بٸلٸم مينيسترلٸكتەرٸنٸڭ ٶكٸلدەرٸ, ەۋروپا كەڭەسٸنٸڭ حالىقارالىق ۇيىمدارى, ەۋروپالىق كوميسسييا, بولون پروتسەسٸ باقىلاۋ توبىنىڭ ٶكٸلدەرٸ, ەرازمۋس+ جەنە ورتالىق ازييا ەلدەرٸنٸڭ جوعارى وقۋ ورىندارىنىڭ رەكتورلارى قاتىستى.
قازاقستاننىڭ بٸلٸم جەنە عىلىم مينيسترٸ اسحات ايماعامبەتوۆ ورتالىق ازييا كەڭٸستٸگٸن قۇرۋ تۋرالى ۇسىنىسىن بٸلدٸرٸپ, شەتەلدٸك ەرٸپتەستەر ونىڭ باستاماسىنا قولداۋ بٸلدٸردٸ.
فورۋم قورىتىندىسى بويىنشا تٷركٸستان دەكلاراتسيياسى قابىلداندى.
وسى قۇجاتقا سەيكەس, ەندٸ ورتالىق ازييا مەملەكەتتەرٸ ٶڭٸرلٸك ىنتىماقتاستىقتى كەڭەيتٸپ, بٷكٸل ورتالىق ازييا جوعارى وقۋ ورىندارىنىڭ عىلىمي, زيياتكەرلٸك جەنە شىعارماشىلىق ەلەۋەتٸن بٸرٸكتٸرەتٸن بولادى.
سونداي-اق تاراپتار بٸلٸم الۋشىلارمەن الماسۋ ٷشٸن بٸلٸم بەرۋ باعدارلامالارىنىڭ, بٸرلەسكەن عىلىمي جوبالاردىڭ سانىن ۇلعايتۋعا جەنە وا ەلدەرٸنٸڭ كٶشباسشى ستۋدەنتتەرٸ اراسىندا ٶزارا بايلانىس ورناتۋعا, تەجٸريبە الماسۋ جەنە جۇمىس باعىتتارىن تالقىلاۋ ٷشٸن وا ەلدەرٸنٸڭ جوعارى وقۋ ورىندارى رەكتورلارىنىڭ فورۋمدارىن ٶتكٸزۋگە كەلٸستٸ.
ورتالىق ازييا كەڭٸستٸگٸنە قاتىسۋشى ەلدەردٸڭ ىنتىماقتاستىعى بولون پروتسەسٸ قاعيداتى بويىنشا ۇيىمداستىرىلاتىن بولادى. سونداي-اق جوعارى بٸلٸم سالاسىنداعى ورتالىق ازييا كەڭٸستٸگٸ جانىنان وا ەلدەرٸنٸڭ بٸلٸم مينيسترلٸكتەرٸ اراسىنداعى جۇمىستى ٷيلەستٸرۋ, ورتالىق ازيياداعى جوعارى بٸلٸمنٸڭ تارتىمدىلىعىن ارتتىرۋ جەنە وا مەملەكەتتەرٸ اراسىنداعى بەسەكەگە قابٸلەتتٸلٸكتٸ كٷشەيتۋ ٷشٸن حاتشىلىق قۇرىلاتىن بولادى.
«جوعارى بٸلٸم بەرۋدٸڭ بٸرىڭعاي ورتالىق ازييا كەڭٸستٸگٸن قۇرۋ بٷگٸنگٸ تاڭدا وبەكتيۆتٸ قاجەتتٸلٸك بولىپ وتىر. جىل سايىن تانىلاتىن بٸلٸم تۋرالى قۇجاتتاردىڭ جالپى سانىنىڭ 70%-عا جۋىعى ورتالىق ازييا جوعارى وقۋ ورىندارىنىڭ قۇجاتتارى. بٷگٸندە ورتالىق ازييا ەلدەرٸنٸڭ ازاماتتارى بولىپ تابىلاتىن 20 مىڭعا جۋىق ستۋدەنت قازاقستاندىق جوعارى وقۋ ورىندارىندا بٸلٸم الىپ جاتىر جەنە بۇل كٶرسەتكٸش جىل سايىن ٶسٸپ كەلەدٸ. وسىعان بايلانىستى, جوعارى بٸلٸمنٸڭ بٸرىڭعاي كەڭٸستٸگٸ شەڭبەرٸندە بٷگٸنگٸ تاڭدا جوعارى بٸلٸمنٸڭ ەۋروپالىق كەڭٸستٸگٸ ەلدەرٸندەگٸ سيياقتى بٸلٸكتٸلٸكتٸ تانۋدىڭ جەڭٸلدەتٸلگەن نەمەسە اۆتوماتتى رەسٸمٸ مەسەلەسٸن قاراستىرۋعا بولادى», – دەپ اتاپ ٶتتٸ قر بٸلٸم جەنە عىلىم مينيسترٸ اسحات ايماعامبەتوۆ.
تٷركٸستان دەكلاراتسيياسى ىنتىماقتاستىقتىڭ كەلەسٸ باعىتتارىن كٶزدەيدٸ:
1. ورتالىق ازييا ەلدەرٸ جوعارى وقۋ ورىندارىنىڭ اليانسىن قالىپتاستىرۋ
2. ورتالىق ازييا ەلدەرٸنٸڭ بٸلٸم بەرۋ ساپاسىن قامتاماسىز ەتۋ جٶنٸندەگٸ اككرەديتتەۋ كەڭەسٸن قۇرۋ
3. ورتالىق ازييا ەلدەرٸ ستۋدەنتتەرٸنٸڭ اليانسىن قۇرۋ
4.بٸلٸكتٸلٸكتەردٸ جەنە بٸلٸم تۋرالى قۇجاتتاردى تانۋ جٶنٸندەگٸ ۇيىمدار قاۋىمداستىعىن قۇرۋ.
