Qazaqstannyń Syrtqy ister ministri Muhtar Tileýberdi «Ortalyq Aziia + Resei» formatyndaǵy syrtqy saiasi vedomstvolar basshylarynyń úshinshi otyrysyna qatysty, dep habarlaidy "Ult aqparat" QR SIM baspasóz qyzmetine silteme jasap.
«Alań COVID-19 pandemiiasynyń teris saldaryn eńserýdegi taraptardyń kúsh-jigerin shoǵyrlandyrý úshin, sondai-aq álemde saiasi, áleýmettik-ekonomikalyq jáne ekologiialyq problemalardy ózektendirý turǵysynan erekshe mańyzǵa ielenýde», - dep habarlady QR SIM.
Onlain-kezdesýdiń qatysýshylary Ortalyq Aziia memleketteri men Resei arasyndaǵy yntymaqtastyq ǵasyrlar boiy dostyq, ózara qurmet pen senim dástúrlerine sáikes, sondai-aq Eýraziia óńirindegi jasampaz protsesterdi eskere otyryp damyp kele jatqanyn atap ótti. Dialog ortaq múddelerge jaýap beredi jáne óńirdegi ekonomikalyq ósý men qaýipsizdiktiń mańyzdy faktory bolyp tabylady.
Ortalyq Aziiadaǵy qaýipsizdikti nyǵaitý jáne ornyqty ósýdi qamtamasyz etý maqsatynda uzaq merzimdi kópjosparly ózara is-qimyldy keńeitý, memleketaralyq bailanystardy tereńdetý máseleleri boiynsha jan-jaqty pikir almasyldy. Saýda-ekonomikalyq jáne energetikalyq ózara is-qimyldyń, kólik-tranzit salasyndaǵy «Ortalyq Aziia + Resei» formatyndaǵy elderdiń mańyzdy bastamalaryn iske asyrýdyń perspektivalary, sondai-aq azamattardyń utqyrlyǵy máseleleri jáne Eýraziia óńirindegi epidemiologiialyq ahýal qaraldy.
Ortalyq Aziia elderindegi Densaýlyq saqtaý jáne qorshaǵan ortany qorǵaý júieleriniń aldynda turǵan qazirgi zamanǵy syn-qaterler de talqylandy. Mádeni-gýmanitarlyq yntymaqtastyqty nyǵaitýǵa erekshe nazar aýdaryldy.
Ministrler syrtqy saiasi vedomstvolardyń kúsh-jigerin ózara is-qimyldyń strategiialyq mańyzdy baǵyttaryna shoǵyrlandyrýǵa, ekonomikalyq jáne óńiraralyq yntymaqtastyqty keńeitýge daiyn ekendikterin bildirdi.
Kezdesý qorytyndysy boiynsha Ortalyq Aziia men Resei memleketteriniń Syrtqy ister ministrleriniń Birlesken málimdemesi qabyldandy.
