«HR praktikým: HR trendteri jáne praktikalyq daǵdylar» modýldik oqý baǵdarlamasy aiaqtalyp, onyń túlekteri - memlekettik qyzmetshiler jańa bilimderin tájiribe júzinde tabysty iske asyrýda. Modýldik oqytý - Astana memlekettik qyzmet haby men QR Memlekettik qyzmet isteri agenttiginiń jańa ahýalda memlekettik qyzmettegi kadrlar basqarý tiimdiligin arttyrýǵa baǵyttalǵan birlesken jobasy.
Bes ai boiy onlain rejimde Qazaqstannyń iri kompaniialary, kommertsiialyq bank HR menedjerleri Qazaqstan, Qyrǵyz Respýblikasy jáne Ózbekstannyń 90-nan astam memlekettik qyzmetshilerimen bilimi jáne ozyq tájiribesimen bólisti.
Bul baǵdarlamanyń bir ereksheligi − árbir úshinshi qatysýshy Qazaqstannyń ár túkpirinde – oblystyq, aýdandyq jáne aýyldyq deńgeidegi memlekettik organda jumys isteidi. Olar qashyqtyqtan jumys isteý jaǵdaiynda baǵdarlamadan úirengen bilimderi men qabiletterin iske asyryp jatqandaryn baiandady. Pandemiia kezinde memlekettik qyzmetshilerdiń 80 paiyzy qashyqtyqtan jumys isteýge kóshken.
Baǵdarlamany aiaqtaǵannan keiin Shyǵys Qazaqstan oblysy Novobajenov aýyldyq okrýgi ákimi apparaty mamany Zarina Adasbaeva óz mekemesinde qyzmetkerlermen etene jaqyn jumys isteý, olardyń ýaqytyn basqarý baǵytynda jumys istei bastaǵan. Sol arqyly, onyń aitýynsha, memlekettik qyzmetshilerdiń ózin damytýǵa, uiymnyń strategiialyq máselelerine kóńil bólýge ýaqyt qalmaq. Bul – bir jaǵynan, baǵdarlamada úirengen Devid Ýlrih modelin qoldaný kórinisi bolmaq. «Bul sheshim halyqqa qyzmet kórsetýdi baǵdar tutatyn ákimshilik formatyna shyǵynsyz kóshýge múmkindik berdi. Uiymda memlekettik qyzmet kórsetý salasy boiynsha shaǵyn oqytýlar engizildi. Óitkeni, pandemiia kezinde ákimshilikter Halyqqa qyzmet kórsetý ortalyqtary rólin atqara bastaǵany málim», - deidi Adasbaeva. Onyń aitýynsha, personaldy oqytý shaǵyn nusqaýlyqtar men beine rolikter túrinde uiymdastyrylyp, áleýmettik jelide taratylǵan. Osylaisha, memlekettik qyzmetshiler ǵana emes, ákimshilik saityna kirgen kez-kelgen azamat qyzmet kórsetý salasy boiynsha jańa aqparatpen tanysyp, biliktiligin jetildire alady.
Baǵdarlama, sonymen birge, jetekshilik, kóshbasshylyq qabiletterin damytqysy kelgen memlekettik qyzmetshiler úshin de paidaly bolypty. «Zamanaýi basshy HR salasyndaǵy trendterdi bilýi tiis, sol arqyly kadlardy iriktep, oqytyp, yntalandyra alady, iaǵni, alǵa qoiylǵan maqsattardy tiimdi oryndai alady», - deidi QR Memlekettik qyzmet isteri agenttiginiń Batys Qazaqstan oblysy boiynsha departamentiniń basshysy Ǵalym Tursynbaev. Bul baǵdarlama oǵan kóptegen jańa uǵymdarmen tanysýǵa, atap aitqanda Devid Ýlrih modeli, marketingtik rekrýting, STAR tehnikasy boiynsha suhbat ótkizý tásilderin igerýge múmkindik beripti. Ol jańa biliminiń basym bóligin is júzinde qoldana bastaǵan. Mysaly, aýyldyq okrýg ákimderimen suhbat ótkizý kezinde STAR tehnikasyn qoldanǵan jáne ózi basqaratyn ujymda mikroqytýdy engizgen.
«Bolashaq» AQ-nyń Ákimshilik departamentiniń direktory Anar Qusaiynova «bul baǵdarlama − zamanýi, praktikaǵa baǵdarlanǵan, daiyn bilim ónimi» − dep esepteidi. «Biz HR salasyndaǵy ózekti trendter jáne sheshimder, qyzmetkerlermen jumysty jaqsartý baǵytyndaǵy tiimdi usynystarmen tanystyq, sonymen birge kvazimemlekettik sektordyń HR salasyndaǵy tabysty tájiribeleri týraly aqparat aldyq», - dep oiyn qorytty Qusaiynova.
Baǵdarlamanyń negizgi trenerleri «Qazaqstan HR menedjerleriniń respýblikalyq qaýymdastyǵy» QB-tiń Úilestirý keńesiniń tóraiymy Gúlmira Raisova jáne menedjment pen kóshbasshylyq salasyndaǵy jetekshi sarapshy Irina Týralieva boldy.
Modýldik oqytý uiym qurylymyndaǵy HR-dyń róli men orny, qyzmetkerlerdi jaldaý jáne ustap qalý, oqytý jáne damytý, eńbekaqy tóleý jáne yntalandyrý, talanttardy basqarý, mansaptyq josparlaý, sabaqtastyqty qamtamasyz etý, tiimdilikti basqarý jáne korporativtik mádeniet siiaqty taqyryptardy qamtydy.
Baǵdarlama qatysýshylarynyń pikirinshe, bul joba - elimizdiń, Qyrǵyz Respýblikasynyń jáne Ózbekstannyń túkpir-túkpirinen kelgen kadr qyzmetkerleriniń teoriialyq jáne praktikalyq bilimderin arttyrýdyń biregei múmkindigi boldy, odan ári qarai damýǵa jáne uiymdaǵy HR róline basqasha kózqaraspen qaraýǵa serpin berdi. Sondai-aq, qatysýshylar bul baǵdarlamanyń memlekettik basqarý júiesin reformalaýdyń jáne memlekettik apparatty kásibilendirýdiń qazirgi zamanǵy basymdyqtarymen ushtasatyndyǵyn erekshe atap ótti.
Astana memlekettik qyzmet haby:
Hab missiiasy − qatysýshy elder úkimetteriniń memlekettik qyzmettiń institýtsionaldyq jáne adami áleýetin arttyrýda kúsh-jigerin qoldaý arqyly memlekettik qyzmettiń tiimdiligin arttyrýǵa kómek kórsetý.
2013 jylǵy QR Úkimeti men BUU-nyń Damý baǵdarlamasy bastamasymen qurylǵan Astana memlekettik qyzmet haby búgingi tańda 42 qatysýshy el men 70 institýtsionaldyq seriktesterdi qamtidy. Hab - qatysýshy elderdiń qajettilikterine sai ikemdi kún tártibine negizge alatyn, memlekettik qyzmet salasyndaǵy tájiribe men bilim almasý boiynsha institýtsionaldyq platforma.
