Aǵymdaǵy jyldyń mamyr aiynda bastaý alǵan «HR praktikým: HR trendteri jáne praktikalyq daǵdylar» modýldik oqý baǵdarlamasy aiaqtaldy. Modýldik oqytý Astana memlekettik qyzmet haby men Qazaqstan Respýblikasy Memlekettik qyzmet isteri agenttiginiń jańa ahýalda memlekettik qyzmettegi adami resýrstardy basqarý tiimdiligin arttyrýǵa baǵyttalǵan birlesken jobasy bolyp tabylady.
Bes ai boiy onlain rejimde korporativtik sektordyń jetekshi HR menedjerleri Qazaqstan, Qyrǵyz Respýblikasy jáne Ózbekstannyń 90-nan astam memlekettik qyzmetshilerimen bilimi jáne ozyq tájiribesimen bólisti.
ERG Basqarma tóraǵasynyń orynbasary Inna Gýbareva, «QTJ «UK» AQ-nyń HR jónindegi basqarýshy direktory Tamila Mikýlich, «Turǵyn úi qurylys jinaq banki» AQ-nyń HR direktory Áigerim Qarsybekova, «Qazposhta» AQ-nyń Personal jáne ózgeristerdi basqarý jónindegi basqarýshy direktory Aqmaral Naizabekova, «ForteBank» AQ-nyń atqarýshy direktory Ainur Koshoeva, Beeline Qazaqstannyń HR direktory Tahmina Kodiri, BI University direktory Olga Baspaeva, Samuryq-Qazyna Korporativtik ýniversitetiniń bas operatsiialyq direktory Janar Baijumanova, «Qazatomónerkásip» UAK» AQ-nyń Adami resýrstaryn basqarý departamentiniń menedjeri Aijan Kákenova shaqyrylǵan lektor retinde qatysyp, óz kompaniialaryndaǵy HRM tájiribesimen tanystyrdy.
Baǵdarlamanyń negizgi trenerleri «Qazaqstan HR menedjerleriniń respýblikalyq qaýymdastyǵy» QB-tiń Úilestirý keńesiniń tóraiymy Gúlmira Raisova jáne menedjment pen kóshbasshylyq salasyndaǵy jetekshi sarapshy Irina Týralieva boldy.
Modýldik oqytý uiym qurylymyndaǵy HR-dyń róli men orny, qyzmetkerlerdi jaldaý jáne ustap qalý, oqytý jáne damytý, eńbekaqy tóleý jáne yntalandyrý, talanttardy basqarý, mansaptyq josparlaý, sabaqtastyqty qamtamasyz etý, tiimdilikti basqarý jáne korporativtik mádeniet siiaqty taqyryptardy qamtydy.
Baǵdarlama qatysýshylarynyń pikirinshe, bul joba elimizdiń, Qyrǵyz Respýblikasynyń jáne Ózbekstannyń túkpir-túkpirinen kelgen kadr qyzmetkerleriniń teoriialyq jáne praktikalyq bilimderin arttyrýdyń biregei múmkindigi boldy, odan ári qarai damýǵa jáne uiymdaǵy HR róline basqasha kózqaraspen qaraýǵa «serpin» berdi. Sondai-aq, qatysýshylar bul baǵdarlamanyń memlekettik basqarý júiesin reformalaýdyń jáne memlekettik apparatty kásibilendirýdiń qazirgi zamanǵy basymdyqtarymen ushtasatyndyǵyn erekshe atap ótti.
Qazaqstan Respýblikasy Memlekettik qyzmet isteri agenttiginiń Batys Qazaqstan oblysy boiynsha departamentiniń basshysy Ǵ. Tursynbaev bul baǵdarlama oǵan kóptegen jańa uǵymdarmen tanysýǵa, atap aitqanda «Devid Ýlrihtiń modeli», marketingtik rekrýting, STAR tehnikasy boiynsha suhbat ótkizý týraly bilýge múmkindik bergenin atap ótti. Ol jańa biliminiń basym bóligin is júzinde qoldana bastaǵan. Mysaly, aýyldyq okrýg ákimderimen suhbat ótkizý kezinde STAR tehnikasyn qoldanǵan jáne ózi basqaratyn ujymda mikroqytýdy engizgen.
«Bolashaq» AQ-nyń Ákimshilik departamentiniń direktory Anar Qusaiynova «bul baǵdarlama − zamanýi, praktikaǵa baǵdarlanǵan, daiyn bilim ónimi bolyp tabylady» − dep esepteidi. «Biz HR salasyndaǵy ózekti trendter jáne sheshimder, qyzmetkerlermen jumysty jaqsartý baǵytyndaǵy tiimdi usynystarmen tanystyq, sonymen birge kvazimemlekettik sektordyń HR salasyndaǵy tabysty tájiribeleri týraly aqparat aldyq», - dep oiyn qorytty.
Astana memlekettik qyzmet haby:
Hab missiiasy − qatysýshy elder úkimetteriniń memlekettik qyzmettiń institýtsionaldyq jáne adami áleýetin arttyrýda kúsh-jigerin qoldaý arqyly memlekettik qyzmettiń tiimdiligin arttyrýǵa kómek kórsetý.
2013 jylǵy QR Úkimeti men BUU-nyń Damý baǵdarlamasy bastamasymen qurylǵan Astana memlekettik qyzmet haby búgingi tańda 42 qatysýshy el men 70 institýtsionaldyq seriktesterdi qamtidy. Hab - qatysýshy elderdiń qajettilikterine sai ikemdi kún tártibine negizge alatyn, memlekettik qyzmet salasyndaǵy tájiribe men bilim almasý boiynsha institýtsionaldyq platforma.
