Ortalyq Aziia elderi ekonomikanyń pandemiiaǵa deiingi kórsetkishine 2021-2022 jyldary jetedi. Bul týraly Bishkekte «Eýropalyq Odaq – Ortalyq Aziia» ekonomikalyq forýmynda QR Úkimet basshysy Asqar Mamin málim etti, dep habarlaidy QazAqparat.
«Eýropalyq Odaq úlesine Ortalyq Aziia syrtqy saýdasynyń jalpy kóleminiń 20 paiyzdan astamy tiesili. Osy oraida EO mańyzdy ári turaqty ekonomikalyq seriktesi bolyp otyr», - dedi Asqar Mamin.
Onyń aitýynsha, Bishkektegi búgingi kezdesý ózekti bolyp tur.
«Búgingi forým álemdik ekonomikanyń júieli qalpyna kelýi men onyń postpandemiialyq kún tártibine kóshýi turǵysynda qosymsha ózektilikke ie bolyp otyr. Halyqaralyq valiýta qorynyń sońǵy baǵalaýy boiynsha Ortalyq Aziianyń barlyq elderi pandemiiaǵa deiingi kórsetkishke 2021-2022 jyldary jetedi», - dedi Úkimet basshysy.
