RF SIM Ortalyq Afrika Respýblikasynda jýrnalistik qujattary bar úsh Resei azamatynyń qaza tapqanyn rastady, dep habarlaidy TASS.
31 shildede Ortalyq Afrika Respýblikasynda úsh jýrnalistiń qaza tapqany belgili boldy. Sibiý qalasyna jaqyn mańda belgisiz qarýly adamdar toby shabýyl jasap, reseilik jýrnalist Orhan Djemal, operator Kirill Radchenko men rejisser Aleksandr Rastorgýevty óltirgen.
«Ortalyq Afrika Respýblikasynan túsip jatqan aqparat boiynsha, 30 shildede Sibiý qalasyna jaqyn mańda (OAR astanasynan soltústikke qarai 300 km - Bangi q.) Kirill Radchenko, Aleksandr Rastorgýev jáne Orhan Djemal esimderine berilgen tek jýrnalistik qujattary ǵana bar úsh adam qaza tapty», - dep habarlady RF SIM.
Vedomstvoda atalyp ótilgendei, Resei diplomatiialyq missiia qyzmetkerleri jergilikti quqyq qorǵaý organdary men úkimettik qurylymdarmen tyǵyz bailanys jasap, oqiǵanyń mán-jaiyn anyqtap jatyr.
«OAR-daǵy Resei elshiligi ókinishke orai, eldiń aýmaǵyna reseilik jýrnalisterdiń kelgeni týraly bilmegen», - delingen habarlamada.
