Foto: primeminister.kz
Biylǵy 1 shildeden bastap elimizdiń orman jáne tabiǵat qorǵaý mekemeleriniń qyzmetkerleri laýazymdyq jalaqylaryna ústemeaqy ala bastaidy. Tiisti qaýlyǵa QR Premer-Ministri Oljas Bektenov qol qoidy, dep habarlaidy «Ult aqparat».
Atap aitqanda, orman jáne tabiǵat qorǵaý uiymdarynyń qyzmetkerlerine eńbekaqy tóleý júiesin, sharttary men mólsherin jaqsartý maqsatynda "Azamattyq qyzmetshilerge, memlekettik biýdjet qarajaty esebinen ustalatyn uiymdardyń, qazynalyq kásiporyndardyń qyzmetkerlerine eńbekaqy tóleý júiesi týraly" QR Úkimetiniń qaýlysyna ózgerister engizildi.
Qujatqa sáikes orman órtin sóndirý stansalarynyń, orman mekemeleriniń, tabiǵat qorǵaý jáne orman ornalastyrý uiymdarynyń qyzmetkerleri laýazymdyq jalaqylaryna 100%-ǵa deiin ústemeaqy alady. Olardyń ishinde orman órtin sóndirýshiler, órt sóndirý mashinalarynyń júrgizýshileri, traktorshy-mashinister, radiooperatorlar, órt sóndirý mashinalaryn, jabdyqtary men apparatýralaryn jóndeitin slesarmlar, órt-baqylaý munarasynyń baqylaýshylary bar.
Sondai-aq 113 aviatsiialyq kúzet órt sóndirýshi-desantshysynyń jalaqysy kóteriledi.
Qaýlyny iske asyrýǵa 2024-2027 jyldarǵa arnalǵan respýblikalyq biýdjetten 8 480,1 mln teńge kóleminde qarjylyq shyǵyndar kózdelgen.
Barlyǵy 3 300-ge jýyq qyzmetker qosymsha aqymen qamtylatyn bolady.
Jergilikti atqarýshy organdardyń orman sharýashylyǵy mekemeleriniń orman órtin sóndirý stansalarynyń 1619 qyzmetkerine qosymsha aqy tóleýdi qarjylandyrý jergilikti biýdjet qarajaty esebinen josparlanady.
Buǵan deiin QR Parlamenti Senatynyń depýtaty O. A. Býlavkinanyń suraýyna jaýap bere otyryp, Úkimet basshysy orman jáne tabiǵatty qorǵaý mekemeleriniń barlyq qyzmetkerleriniń jalaqysyn kóterý máselesi óziniń turaqty baqylaýynda ekenin jáne tiisti qaýlynyń jobasy daiyndalǵanyn aitty. Depýtat "Semei ormany" RMM Borodýliha filialynyń qyzmetkerleri úshin qosymsha aqylar taqyrybyn kóterdi.
Esterińizge sala keteiik, 2023 jyldyń shildesinde Memleket basshysy Q. Toqaevtyń tapsyrmasyn iske asyrý aiasynda orman qurylymdary qyzmetkerleriniń ómirine jáne densaýlyǵyna qaýip tóndiretin jumysy úshin laýazymdyq jalaqylaryna 100% ústemeaqy belgilendi.
