Jarty ǵasyrlyq tarihy bar Almaty qalasyndaǵy «Órleý» biliktilikti arttyrý ulttyq ortalyǵyndaǵy Respýblikalyq institýtqa baryp, qysqa merzimdegi oqý kýrsynan ótkenderdiń tanym-túsinigindegi ózgeristerdi birden baiqaýǵa bolatyndyǵyna kózimiz jetti.
Aǵymdaǵy jyldyń qazan aiynda atalǵan oqý ornynda bolyp, «Zamanaýi pedagogikalyq tehnologiialar» taqyrybynda joǵary oqý oryndarynyń pedagogikalyq mamandyqtar oqytýshylarynyń biliktilik arttyrý kýrsynan óttik. Otanymyzdyń túkpir-túkpirindegi JOO-dan kelgen ustazdar qaýymynyń basyn qosyp, shet eldiń aitýly ýniversitetterin bitirip kelgen oqytýshylar dáristeri, seminar sabaqtarymen zerthanalyq jumystardyń jańasha ótkizý joldaryna qatysty máselelerdiń kóterilýi kóńilden shyqty.
El Táýelsizdiginiń 25 jyldyǵy qarsańynda, ómirimizdegi oń ózgerister negizi memleketimizdiń damyǵan otyz eldiń qataryna ený máselesi arqyly júzege asyp jatqandyǵy belgili. Osy iste eń aldymen ustazdar qaýymyna úlken mindetter, jaýapty ister júkteletindigi málim. Ásirese, joǵary oqý ornyndaǵy mamandardyń biliktiligi bitirýshi stýdentter men ǵylymi izdenýdi jalǵastyratyndardy tulǵalyq deńgeige jetkizý ýaqyt talaby ekendigi aiqyndalǵan. Búgingi ómir ustazdyń zamanaýi bilim men ozyq tehnologiialardy meńgerýin qajet etedi. Bilim berýdegi jańasha kózqaras, jańartylǵan standarttardy sanaǵa sińirip, is júzine asyrǵanda, básekege qabiletti álemdegi alyp elderdiń qatarynan kórinemiz. Ár zamannyń basty bailyǵy – urpaq sabaqtastyǵy. Urpaqty jetildirý – qoǵam men memlekettiń ósýi. Osy baǵytta memlekettiń «Máńgilik el», «Úsh tuǵyrly til» siiaqty aýqymdy jobalary boiynsha qalyptasqan qundylyqtarymyzdy saqtap, keleshek urpaqqa «Ózin-ózi taný» teoriiasyn túsindirsek, bilim berýde de jeter jetistigimiz maǵynaly da mándi bolmaq. Munyń baiybyna baryp, ulan-baitaq qazaq eliniń árbir oblystarynan kelgen tyńdaýshylardyń tanym-túsinigin tereńdetip, tiianaqty tájiribe jinaqtaýǵa jańa jol siltegen «Órleý» biliktilikti arttyrý ulttyq ortalyǵynyń Almatydaǵy respýblikalyq institýtyna, ujym direktory J.Maqatovaǵa, bilikti oqytýshylar S.Ospanov, N.Qoilyq, S.Abdygapparova, S.Kaýpenbieva, kafedra meńgerýshisi S.Zeinolla men jas mamandar Á.Baiqonys, A.Qýandyqqa jáne sabaq bergen basqa da ustazdar qaýymyna aitar alǵys sheksiz. Muny biz jáne bizden buryn bitirip ketkender tarapynan estip, ishtei «uzaǵynan súiindirsin» degendi qaitalai berdik.
Sózsiz, bul «Órleýdiń» óreli ónegesi degendi kóńilge túidik.
Berik RAHYMOV,
akademik E.A. Bóketov atyndaǵy QarMÝ-diń professory, filologiia ǵylymdarynyń doktory,
Álimjan JAQAN,
aǵa oqytýshy, ǵylym magistri
Qaraǵandy
.jpeg)