Foto: A. Seleznev atyndaǵy Almaty horeografiialyq ýchilishesi
Almatyda dástúrli túrde uiymdastyrylatyn horeografiialyq oqý oryndarynyń «Órleý» IX halyqaralyq baiqaýy óz máresine jetti, dep habarlaidy Ult.kz.Biylǵy óner dodasyna 8 eldiń 134 talantty jas bishisi qatysty. Olar «Klassikalyq bi», «Halyq bii» jáne «Zamanaýi horeografiia» atalymdary boiynsha baq synady.
2008 jyldan beri turaqty túrde ótkizilip kele jatqan baiqaýdyń basty maqsaty halyqaralyq shyǵarmashylyq yntymaqtastyqty damytý men nyǵaitýǵa, horeografiialyq oqý oryndary arasyndaǵy tájiribe almasýǵa, jas daryndardy anyqtaýǵa, oryndaýshylyq sheberlikti arttyrýǵa jáne klassikalyq, halyqtyq jáne zamanaýi bi dástúrlerin damytýǵa baǵyttalǵan.
«Órleý» – bul jai ǵana saiys emes, tájiribe almasý men kásibi damýdyń mańyzdy alańy. Jyl saiyn baiqaýǵa qatysýshylar sany artyp, halyqaralyq sarapshylardyń nazaryna ilinýde. Biylǵy baiqaý segiz eldiń ókilderin biriktirdi. «Órleýdiń» Halyqaralyq balet baiqaýlary federatsiiasyna múshe bolýy onyń joǵary mártebesin rastaidy. Qatysýshylar úshin bul óz sheberlikterin kórsetýge, qundy pikirler alýǵa jáne kásibi mansapta mańyzdy qadam jasaýǵa múmkindik beredi», – dep atap ótti A.Selezniov atyndaǵy Almaty horeografiia ýchilishesiniń direktory mindetin atqarýshy Murat Túkeev.
Foto: A. Seleznev atyndaǵy Almaty horeografiialyq ýchilishesi
Baiqaýǵa qatysýshylar tek tehnikalyq sheberligin ǵana emes, bi arqyly tereń oi, jan qatparyna jasyrynǵan túrli siqyrly sezim men eliktiretin tyń qozǵalys elementterin kórsetti. Kórermender ár qoiylymnan tabiǵat kórinisteri men adam bolmysyn beineleitin názik obrazdardy kórip, rýhani áser aldy.
Balet óneriniń bedeldi tulǵalarynan quralǵan qazylar alqasy – Qazaqstannyń halyq ártisi, Abai atyndaǵy Qazaq ulttyq opera jáne balet teatry balet trýppasynyń kórkemdik jetekshisi Gúljan Tútkibaeva (Qazaqstan), Horeografiia qairatkerleriniń halyqaralyq odaǵynyń birinshi vitse-prezidenti Sergei Ýsanov (Resei), Túrkiia memlekettik opera jáne balet teatrlarynyń bas direktory jáne kórkemdik jetekshisi Bedri Tan Sagtiýrk (Túrkiia), Resei jáne Qazaqstannyń eńbek sińirgen ártisi, halyqaralyq baiqaýlardyń laýreaty Iýrii Vasiýchenko (Resei), «Ballet & Model AI» kompaniiasynyń jetekshisi, Koreia balet qaýymdastyǵy Qamqorshylyq keńesiniń vitse-prezidenti Choi Chjýnsok (Ońtústik Koreia), Reseidiń eńbek sińirgen óner qairatkeri, «Balet» jýrnalynyń bas redaktory Valeriia Ýralskaia (Resei), Qazaqstannyń eńbek sińirgen qairatkeri, «Samruk» zamanaýi bi teatrynyń negizin qalaýshy jáne kórkemdik jetekshisi Gúlnara Adamova (Qazaqstan), ónertaný ǵylymdarynyń kandidaty, «Gúlder» ansambliniń bas baletmeisteri Anvara Sadyqova (Qazaqstan) biylǵy baiqaý qatysýshylarynyń ónerine baǵa berdi.
Foto: A. Seleznev atyndaǵy Almaty horeografiialyq ýchilishesi
Aita ketý kerek, 2019 jyly «Órleý» baiqaýy Halyqaralyq balettik baiqaýlar federatsiiasynyń tolyqqandy múshesi retinde IýNESKO tizimine engizildi. Bul baiqaýdyń halyqaralyq mádeni keńistiktegi bedelin aiqyndaityn mańyzdy jetistik.
Almaty horeografiialyq ýchilishesi direktorynyń orynbasary Toǵjan Karmenovanyń aitýynsha, «Órleý» jyl ótken saiyn halyqaralyq kásibi alańda óz ornyn nyǵaityp keledi.
«Osy jyldar aralyǵynda «Órleý» halyqaralyq deńgeide tanymal baiqaýǵa ainaldy. Biyl alǵash ret Mońǵoliiadan kelgen bishiler qatysty. Jastardyń bige degen qyzyǵýshylyǵy kún sanap artyp keledi. Máselen, bizdiń ýchilishe túlekteri – Bahtiiar Adamjan men Malika Elshibaeva búgingi tańda balet óneriniń beldi ókilderi sanalady», – dedi ol.
Baiqaý barysynda qatysýshylarǵa kásibi sheberlik sabaqtary ótkizilip, shyǵarmashylyq pikir almasýlar uiymdastyryldy. Bul jas bishilerdiń tek sahnada ǵana emes, óner ortasynda óz ornyn belgileýi úshin taptyrmas múmkindik.
Jeńimpazdar úsh nominatsiia boiynsha anyqtalyp, diplomdarmen jáne aqshalai syilyqtarmen marapattaldy. Olardyń ishinde Almaty horeografiialyq mektebiniń shákirtteri kóreremendi talantymen tánti etip, «Klasikalyq bi» (dýet) nominatsiiasynda úzdik shyqty.
Foto: A. Seleznev atyndaǵy Almaty horeografiialyq ýchilishesi
Baiqaý jeńimpazdary Ámina Bataeva jáne Álisher Qasymhan:
«Biz alǵashqy júldeni jeńip alǵanymyzǵa qýanyshtymyz. Kóp daiyndaldyq. Báseke myqty boldy. Ustazdarymyzǵa alǵys aitamyz. Osyndai baiqaýlar tájiribemizdi arttyrady. «Órleý» baiqaýy bi ónerine qanat bitirip qana qoimai, halyqaralyq dostyq pen mádeni bailanystyń altyn kópirine ainalyp otyr», – dedi.
Baiqaý Mádeniet jáne aqparat ministrliginiń qoldaýymen jáne Almaty horeografiialyq ýchilishesiniń uiymdastyrýymen ótti.
